रौतहट, २५ पुस । गौरीशंकर यादव फाउन्डेशनद्वारा संचालित जीपीएलको विहिवार दुबै सेमिफाइन खेल हुने आयोजक समितिले जनाएको छ ।
बहुँचर्चित गौर राइस मिल्सको खेल मैदानमा जारी रहेका जीपीएलको लिग राउण्डबाट चार वटा टिम सेमिफाइनलको लागि क्वालिफायर गरेको हो ।
गौरीशंकर यादव फाउण्डेशनले आयोजना गरेको जिपीएलको पहिलो संस्करणमा भोलि बिहान ९.३० बजे क्रान्तीद्धार ११ र सिसवा ११ को बिचमा खेल हुनेछ भने दिउसो १२.३० बजे बानेश्वर ११ र सोवर्णामाई ११ को बिचमा खेल हुने जनाइएका छन् ।
पुस १७ गते देखि सुरु भएको प्रतियोगितामा ९ वटा वडाका टिमहरुको सहभागीता रहेको थियो । लिग चरणका सम्पूर्ण खेलहरु आज समाप्त भएपछि सेमिफाइनलमा प्रवेश गर्ने ४ वटा टिमको टुङ्गो लागेको गौरीशंकर यादव फाउण्डेशनका अध्यक्ष मोहन यादवले बताए ।
लिग चरणबाट शिवगंगा, दरबार, सिर्सिया, बरहवा र सबगढा गरेर पाँच वटा टिम प्रतियोगिताबाट बाहिरिएका छन । दुई समुहमा बाडिएका टिमहरुले भोलि २ सेमिफाइनल खेल्ने छन् भने प्रतियोगिताको फाइनल खेल २८ गते शनिवार हुने फाउण्डेशनका अध्यक्ष यादवले जानकारी दिए ।
प्रतियोगिताको आजको खेलमा क्रान्तीद्धार ११ ले बरहवा ११ लाई ४५ रनले पराजित गर्दै सेमिफाइनलमा पुग्ने चौथो टिम बने । आजका खेलका म्यान अफ द म्याच आशु कन्दोई बन्न सफल भए ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन