सिर्सियामा निशुल्क आँखा शिविरमा ४६० जना महिलापुरुषले आँखाको परिक्षण गराए
रौतहट, १३ माघ । गौर नगरपालिकाको सिर्सियामा नेपाल सरकारको स्वास्थ्य तथा जनसंख्या मन्त्रालयको सहयोगमा निशुल्क आँखा शिविरको शनिवार आयोजना गरिएको छ ।
गौर नगरपालिका वडा नम्वर ९ सिर्सिया गाउँको महाविर मन्दिर नजिक गरिएको निशुल्क आँखा शिविरमा स्थानीय महिला एवं पुरुषहरु उत्साहित भएर शिविरमा आएर आँखा परिक्षण गराईरहेको हो ।
नेपाल नेत्र ज्योती संघ गौर आँखा अस्पताल पुरेनवाको प्राविधिक सहयोगमा, स्थानीय आयोजकमा बुवा स्वर्गिय मदनमोहन श्रीवास्त र स्व. आमा कृष्ण देवीको स्मृतिमा विजयकुमार श्रीवास्ताव र अजयकुमार श्रीवास्तवले आयोजना गरेको उक्त शिविर आज विहान ९ बजे देखि संचालित रहेका छन् ।
निशुल्क आँखा शिविरमा आँखाको परिक्षण गर्नुका साथै औषधी, चश्मा दिइरहेको छ भने मोतिया बिन्दु भएका विरामीहरुलाई निशुल्क रुपमा गौर आँखा अस्पताल पुरेनवा गौरमा लगेर शैल्यक्रिया गर्ने व्यवस्थापन मिलाइएको शिविर संचालन समितिका कार्यक्रम संयोजक सत्येन्द्र पाण्डेले जानकारी दिए ।
निशुल्क आँखा शिविरमा २३६ जना पुरुष र २२४ जना महिला गरेर ४६० जनाले आँखाको परिक्षण गराए । जसमा २०७ जनामा मोतिया विन्दुको रोग भएको हुँदा उनीहरुलाई गौर आँखा अस्पताल पुरेनवामा शैलक्रिया गरिने जानकारी दिदै शिविरका कार्यक्रम संयोजक सत्येन्द्र पाण्डेले १७६ जनालाई औषधी र १०३ जनालाई निशुल्क रुपमा चश्मा वितरण गरिएको बताए ।


बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन