रौतहट, ७ फागुन । सीमापारी भारतबाट अबैध रुपमा नेपाल भित्रयाइएको ब्रोइलर कुखुरालाई सोमवार जिल्ला प्रहरी कार्यालय रौतहटमा नष्ट गरिएको छ ।
जिल्ला प्रहरी कार्यालय रौतहटका प्रवक्ता एवं डिएसपी एलिजा गिरीद्वारा हस्ताक्षरित प्रेस विज्ञप्तीमा आज विहान साढे ९ बजेको समयमा इप्रका कोपवाबाट खटिएको प्रहरी गस्ती टोलीले परोहा नगरपालिका वडा नम्वर ६ हवारी चोक नजिकै चार वटा साइकलमा ब्रोइलर कुखुरा बेवारिसे अवस्थामा नियन्त्रणमा लिए ।
प्रहरी गस्ती टोलीलाई देख्नासाथ कुखुरा ओसार्ने भरिया साइकल छाडेर भागेपछि प्रहरीले बेवारिसे अवस्थामा ६० थान (१२० किलोग्राम) कुखुरालाई सहित साइकल बरामद गरेको बताइएको छ । बरामद गरिएका भारतीय ब्रोइलर कुखुरालाई जिल्ला प्रहरी कार्यालय रौतहटको कम्पाउण्डमा खाल्डोमा पुरेर स्थानीय भद्रभलादमीको रोहवरमा नष्ट गरिएको डिएसपी गिरीले जानकारी दिइन् ।
बरामद गरिएका कुखुराको अन्दाजी मूल्य ३८ हजार ४ सय रहेको तथा कुखुरा छाडेर भाग्ने व्यक्तिको खोजी कार्य भईरहेको उनले भनिन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन