काठमाडौं, २१ फागुन । हुण्डी कारोवारमा संलग्न रहेको आशंकामा काठमाडौंको लाजिम्पाट क्षेत्रबाट १२ लाख रुपैया सहित एक चिनियाँ नागरिक पक्राउ परेका छन् ।
विशेष सूचनाको आधारमा उपत्यका अपराध अनुसन्धान कार्यालयले लाजिम्पाट क्षेत्रबाट अबैध रुपमा हुण्डी कारोवारमा संलग्न रहेका आशंकामा चीनको संघाई शहर स्थायी ठेगाना भई हाल भक्तपुरको मध्यपुर ठिमी नगरपालिका ३ गठ्ठाघर डेरा लिएर बसेका झोउ जियाउलाई पक्राउ गरेका हुन् ।
पक्राउ परेका २८ बर्षिय जियाउको राहदानी नम्वर ईजे ७२७९०५१ नम्वरको रहेको र उनको शरीरको खानतलासी गर्दा निजले बोकेको झोला भित्र नेपाली एक हजारको ८०० थान र पाँच सयको ८०० थान गरी १२ लाख रुपैया फेला परेको अपराध अनुसन्धान कार्यालय श्रोतले जनाएको छ ।
नेपाल राष्ट्र बैंकबाट जारी भएको निर्देशन विपरीत हुन्डी मार्फत वित्तीय कारोबार गर्ने उद्देश्यले बोकी हिँडेकोमा उक्त नगद बरामद गर्नुका साथै नेपाल राष्ट्र बैंक अन्तर्गतको कसुरमा थप अनुसन्धान तथा कारबाहीका लागि जिल्ला प्रहरी परिसर टेकु पठाइएको उपत्यका अपराध अनुसन्धान कार्यालयले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन