मकवानपुर, २८ फागुन । श्रोत खुल्न नसकेको भारतीय र नेपाली रुपैया सहित चार जनालाई मकवानपुर प्रहरीले नियन्त्रणमा लिएका छन् ।
विशेष सूचनाका आधारमा पूर्वबाट पश्चिम तर्फ गईरहेका बिआर ०१ एआर २९९१ नम्बरको कारलाई विशेष सूचनाको आधारमा मकवानपुरको रातोमाटेमा चेकजाँच गर्दा श्रोत खुल्न नसकेका भारतीय र नेपाली रुपैया सहित तिन भारतीय र एक नेपाली गरेर चार जनालाई नियन्त्रणमा लिइएको मकवानपुर प्रहरीले जनाएका हुन् ।
भारत विहार सितामढी जिल्ला भुभैरवो वडा नं. ९ का ३० बर्षिय राकेश कुमार राय, सोही ठाउँका ३० बर्षिय चान्द बाबु, ३७ बर्षिय अशोक राय र जिल्ला सुनसरी कोशी गाउँपालिका वडा नं. ४ का ३२ बर्षिय निजाम मिँयालाई पक्राउ गरिएको जिल्ला प्रहरी कार्यालय मकवानपुरले प्रेस विज्ञप्ती मार्फत जानकारी दिएका छन् ।
नियन्त्रणमा लिइएका चारै जनाको साथबाट पाँच लाख उनन्पचास हजार भारतिय रुपैया र दुई लाख पचास हजार नेपाली रुपैया फेला परेको बताइएको छ । स्रोत नखुलेको रुपैया र कारसहित ४ जनालाई कारबाहीको लागि राजश्व अनुसन्धान कार्यालय पथलैया बारामा पठाईएको जिल्ला प्रहरी कार्यालय मकवानपुरको प्रहरी श्रोतबाट बुझिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन