राधेश्याम कुशवाहा
मधुबनी (सर्लाही), ७ चैत । गोडैता नगरपालिकाको मधुवनी संचालन भएको आँखा परिक्षण शिविरमा २५८ जना महिलापुरुषहरु आ आफना आँखाको जाँच गराएर लाभान्वित भएका छन् ।
गोडैता नगरपालिका वडा नम्वर १२ मधुवनीमा सुदर्शन आँखा अस्पताल गौरको प्राविधिक सहयोग र वडा कार्यालयको सहकार्यमा संचालन गरिएको निशुल्क आँखा परिक्षण शिविरमा २५८ जनाले आँखाको जाँच गराएका हुन् ।
मोतियाबिन्दु भएका विरामीलाई ५० प्रतिशत छुटमा शल्यक्रिया गरिने वडाअध्यक्ष केशव कुमार यादवले बताए । उनका अनुसार चश्मामा ५० प्रतिशत र औषधीमा १० प्रतिशत छ्ट गरियो । बाँकी सबै व्यवस्थापन आफनो व्यक्तिग खर्चमा गरिएको वडाध्यक्ष यादवले भने ।
२५ जना विरामीको आँखामा मोतियाबिन्दु रहेको सुदर्शन अँखा अस्पतालका चिकित्सक राजकुमार महतोले जानकारी दिए । मोतियाबिन्दुका विरामीहरुलाई एक बर्षका लागि आँखा विमा समेत गरिएको छ । उनिहरुलाई एक बर्षभित्र तोकिएकै शूल्कमा शल्यक्रिया गरिने बताए । वडाअध्यक्ष केशव कुमार यादवले उदघाटन गरेको शिविरमा वडासदस्य, नागरिक अगुवा लगायत स्थानिय भद्रभलादमीहरुको उल्लेखनिय सहभागिता रहेको आयोजकले जनाएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन