रौतहट, १९ चैत । डिभिजन वन कार्यालय क्षेत्रमा घाटगद्दी गरेर राखिएको दाउरामा आगलागि हुँदा लाखौंको काठ जलेर नष्ट भएका छन् ।
पूर्व पश्चिम राजमार्ग अन्तर्गत चन्द्रपुर नगरपालिकाको लमहा जंगलमा घाटगद्दी गरेर राखिएका ५० चट्टा भन्दा बढि दाउरा जलेर नष्ट भएको छ तर अहिले सम्म आगलागि नियन्त्रणमा आउन सकेका छैनन् । गैडाटार सब डिभिजन वन क्षेत्रबाट कटान गरेको काठ दाउरामा आगलागी भएको छ । नेपाल बिद्युत प्राधिकरणको हाइटेन्सन निमार्णको लागि वन क्षेत्रबाट कटान गरेको उक्त काठ दाउरामा आगलागी भएको डिभिजन वन कार्यालय रौतहटका सुचना अधिकारी तथा वन अधिकृत बिमल कुमार ठाकुरले जानकारी दिए ।
आगोले अन्दाजी ५० चट्टा दाउरा नष्ट भएको सुचना अधिकारी ठाकुरले बताए । आगो नियन्त्रण लिनको लागि चन्द्रपुर लगायत बिभिन्न स्थानबाट ५ वटा बारुण यन्त्र सो आगलागी क्षेत्रमा ल्याइएको छ । तर पनि आगो नियन्त्रण गर्न नसकेको ठाकुरले बताए । आज विहानै देखि अत्याधिक गतिमा चलिरहेको पश्चिमा हावाको कारण आगो नियन्त्रणमा समस्या भएको उनले बताए ।
सो आगलागी गोठाला वा अन्य बटुवाले लगाएको हुन सक्ने अनुमान गरिएको छ । हिजोआज रौतहटका बिभिन्न गाउघरमा दैनिक जसो आगलागी भइरहेको छ । हावाहुरीको कारण रौतहटमा आगलागीका घटनाहरु दैनिक रुपमा बढिरहेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन