सर्लाही, १२ वैशाख । सर्लाहीको बलरा नगरपालिकाको मिर्जापुर गाउँमा मंगलवार राति एक घरमा आगलागि भएपछि आगो निभाउने क्रममा दुई जना पोलेर घाइते भएका छन् ।
बलरा नगरपालिका वडा नम्वर ६ मिर्जापुर निवासी रामचन्द्र महतोको घरमा गएराति आगलागि भएपछि आगो निभाउने क्रममा घरधनी महतो र छिमेकी २३ बर्षिय राजमंगल महतो आगोमा पोलेर घाइते भएको जिल्ला प्रहरी कार्यालय सर्लाहीले जनाएका हुन् ।
आगो निभाउने घरधनी महतोको दुवै हतकेला र दुवै खुट्टा तथा राज मङ्गलको दाहिने हात र पिठ्यु पोलेर घाइते भएपछि दुबै जनालाई राति नै स्थानीय स्वास्थ्य संस्थामा उपचार भई घर फर्किसकेको जिल्ला प्रहरी कार्यालय सर्लाहीका प्रवक्ता एवं डिएसपी दिपक श्रेष्ठले बताए ।
गएरराति ८.३० बजेको समयमा विजुली सर्ट भएर लागेको आगलागिबाट महतोले छोरीको विहेका लागि किनेका कपडाहरु तथा घरभित्रका सम्पूर्ण सामानहरु जलेर पूर्ण रुपमा नष्ट बताइएको छ । आगलागिबाट महतोको घरमा रहेका करिव ६ लाख मूल्य बराबरको धनमाल क्षति भएको डिएसपी श्रेष्ठले बताए ।
अहिले दिनरात भरी पश्चिमा हावा निरन्तर रुपमा चलिरहेको हुँदा खाना पकाउन तथा अन्य समयमा आगोलाई राम्ररी निभाउने कार्य प्रति स्थानीयहरु सजग बन्नुपर्ने समय आएको उनले आग्रह गरे ।
प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट