सर्लाही, १४ वैशाख । सर्लाहीको लालबन्दी नगरपालिका स्थित निर्माणाधिन रेल्वे ट्रयाकबाट विहिवार राति मोटरसाइकल तल खस्दा चालकको मृत्यु भएको छ ।
सर्लाहीको लालबन्दी नगरपालिका वडा नम्वर ४ जरुवा पानी स्थित निर्माणाधिन रेल्वे ट्रयाकबाट गएराति ८.५० बजेको समयमा मोटरसाइकल तल खसेर दुर्घटना हुँदा चालकको मृत्यु भएको हो ।
पुर्नवासतर्फबाट जब्दी तर्फ आइरहेको ज ११ प ७५४८ नम्वरको मोटरसाइकल निर्माणाधीन रेल्वे ट्रयाकबाट तल खस्दा लालबन्दी नगरपालिका वडा नम्वर ३ जब्दी घर भएका ५० वर्षीय राजकुमार चौधरीको मृत्यु भएको इलाका प्रहरी कार्यालय लालबन्दीले जनाएको छ ।
मोटरसाइकल अनियन्त्रित भइ पल्टिएको र चालक लडिरहेको देखेपछि एक जना स्थानीय अटो चालकले लडिरहेका व्यक्तिलाई उद्धार गरी लालबन्दी बजारस्थित मोडेल अस्पतालमा पुर्याएका थिए । अस्पतालमा चेकजाँचका क्रममा मोटरसाइकलका चालक चौधरीलाई चिकित्सकले मृत घोषणा गरेका इलाका प्रहरी कार्यालय लालबन्दीका प्रहरी निरीक्षक हरिबोल केसीले बताए ।
केसीका अनुसार मृतक चौधरीको शव पोष्टमार्टमका लागि राति नै प्रादेशिक अस्पताल मलंगवा पठाइएको छ ।
प्रहरीको कन्ट्रोल कक्षमा फोन गर्दा अपशब्द भाषाको प्रयोगलाई लिएर प्रदेश प्रहरी कार्यालयको ध्यानाकर्षण
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट