संजयकुमार मिश्रा
रौतहट, २३ वैशाख । परिवारको दवावमा प्रहरी सेवामा प्रवेश गरेको पाँच बर्ष वित्न नपाउदै जागिर छाडेर मुम्बई पुगेका रौतहट जिल्लाको कटहरिया नगरपालिका १ का युवा गायक रुद्रकुमार तिवारी आखिरकार आफनो पहिलो एलबम “पहला प्यार” शनिवार सार्वजनिक गराउन सफल भएका छन् ।
भारतको सपनाको नगरी अर्थात माया नगरीको रुपमा प्रख्यात रहेका मुम्बईमा एक बिशेष समारोहका बिच हिन्दी गीत “पहला प्यार” एलबम सार्वजनिक गराउन सफल भएका हुन् ।
कटहरिया नगरपालिका वडा नम्वर १ भसेढवा घर भएका युवा गायक तिवारीको स्वरमा शनिवार हिन्दी गीत ‘पहला प्यार ’ गीत एवं भिडिओ सार्वजनिक गरिएको छ । माया नगरी मुम्बईमै तयार गरिएको हिन्दी गीत “पहला प्यार“ एलबममा अभिनेताको रुपमा रुद्र नारायण तिवारी र अभिनेत्रीको रूपमा सलोनी कुमारीले अभिनय प्रस्तुत गरेको छ ।
गीतको निर्देशन र सम्पादन अनुपम साहले गरेका छन् भने छायांकन र भिडियो मिक्सिङ रेहान खानले गरेका छन् । विशेष सहयोगीको रुपमा साजन जयसवाल रहेको तथा गीतको रचना र स्वर रुद्रनारायण तिवारीले दिएको बताइएको छ ।
“पहला प्यार” बोलको गीतमा प्रेमी–प्रेमिकाबीचको माया–प्रेमलाई दर्शाईएको छ । गायक तिवारीले यसअघि पनि ‘ओ.. माँ’ हिन्दी गीत पुरातात्विक महादेव मन्दिर मौलापुरको बहुचर्चित गीत भोजपुरी भाषामा र ‘देवा देवाले’ ‘दो दिल मिल रहा है’ हिन्दी गीत गाईसकेका छन् । तिवारी विगत एक दशक देखी भारतको मायानगरी मुम्बईमा बसेर गीत संगीतको प्रशिक्षण एवं कला सिक्दै आएका थिए ।
रामकमोद तिवारी र मिना तिवारीको दोस्रो सन्तानको रूपमा जन्मिएका रुद्र नारायण तिवारी विद्यार्थी जीवन देखिनै सांगितिक क्षेत्रमा रुची राख्दै एउटा स्थापित गायक बन्ने सपना देखेका थिए । आफ्नो सपना पुरा गर्न नेपाल प्रहरीको जागिर त्याग गरेर उनी मुम्बई पुगेको थियो । कक्षा १२ सम्म पढेर बाबु आमाको दवाबमा २०६६ सालमा नेपाल प्रहरीमा प्रवेश गरेका थिए । करिब ५ वर्ष सम्म नेपाल प्रहरीमा जागिर संगै काठमाडौँमा संगीतको शिक्षा लिए । तिवारी संगीतको थप अध्ययन गर्न नेपाल बाट मुम्बई जाने निधो गर्दै २०७१ सालमा सधैंका लागि प्रहरीको जागिरबाट राजिनामा दिएर मायानगरी मुम्बई पुगेका थिए ।
सुरु सुरुमा मुम्बईमा कठिन परिस्थितिहरुको सामना गर्दै संघर्ष गरेर भएपनि संगीतका् कक्षा प्रारम्भ गरेको उनले बताए । पंडित जसराज स्कुल अफ म्युजिक फाउन्डेसन त्यस पछि अखिल भारतीय गन्धर्व महाविद्यालयमा पंडित मधुसूदन आपटे संग विगत ८ वर्ष देखी संगीतको साधनामा लिए । त्यस बीचमा तिवारीले भारतका प्रख्यात गायक÷ संगीतकार हरु संग काम गरेको अनुभव सुनाए ।
सन २०१६ मा डाक्टर सागरको शब्द र विपिन पटवाको संगीतमा पहिलो गीत “ओ माँ” को एलबम सार्वजनिक गरेका थिए । त्यसपछी हिन्दी, भोजपुरी भाषाको दर्जनौं गीत गाएर अहिले पनि मुम्बईमा आफ्नो संघर्षको यात्रालाई जारी राखेका छन् ।
नेपालबाट मुम्बई पुगेर संगीत संगै अध्ययन गरेका धेरै कलाकारहरु मध्ये बलिउडका चर्चित गायक कलाकार उदित नारायण झा र सर्लाहीका रविराज शाहले पटकपटक सहयोगका साथै अनेक सलाह सुझाव र हौसला प्रदान गर्दै आएको तिवारीले भने । तिवार िसामान्य किसान परिवारका रहेर गायक कलाकार उदित नारायण जस्तो बन्ने सपना बोकेर मुम्बई पुगेको बताउँछन् ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन