एक स्थानमा दर्ता भई अन्यत्र लगेर गैरकानुनी रुपमा जनकपुरबाट संचालन भईरहेका एम्बुलेन्सहरुको तराई टप अनलाईन लाई प्राप्त भएको सूची
रौतहट, १ जेठ । विभिन्न संघसंस्थाहरुको नामबाट खरिद गरिएका एवं भारतीय सरकारबाट उपहारमा पाएका एम्बुलेन्सहरु सम्बध स्थानमा नलगि जनकपुरबाट संचालन गरेर एम्बुलेन्स जस्ता परोपकार सेवालाई केही व्यत्तिहरु मागिखाने भाडोको रुपमा प्रयोग गर्दै आएको गम्भीर आरोप लागेका छन् ।
मधेश प्रदेशका राजधानीमा अहिले रौतहट, वारा, पर्सा, सर्लाही, महोत्तरी, सिरहा र सप्तरी सहितका जिल्लाका लागि खरिद गरिएका दर्जनौं एम्बुलेन्सहरुलाई केही व्यक्तिहरुले ठेक्का पटाका आधारमा खरिद विक्री गरेर चरम रुपमा दुरुपयोग गर्दै आइरहदा बाध्य भएर एम्बुलेन्स चालक संघका २६ वटा संस्थाहरुले संयुक्त रुपमा त्यस्ता एम्बुलेन्स विरुद्ध आवश्यक कारवाही गर्नका लागि २०८० माघ १५ गते जिल्ला प्रशासन कार्यालय धनुषामा लिखित उजुरी गरेका थिए ।
गैरकानुनी रुपमा संचालनमा रहेका १६ वटा एम्बुलेन्सका नम्वर र सम्बध व्यक्तिका मोवाइल नम्वर सहितको किटानी उजुरी दिदा समेत हाल सम्म जिल्ला प्रशासन कार्यालय धनुषाबाट कुनै कारवाही नभएको एम्बुलेन्स चाकल संघका केन्द्रीय अध्यक्ष महाशंकर ठाकुरले तराई टप संग गुनासो गरे ।
“सेवा नै धर्म हो” मूल मन्त्रका साथ संचालन गरिएका एम्बुलेन्सका संचालकहरु मूलमन्त्रबाट विचलित भई आर्थिक लाभ एवं व्यत्तिगत सम्पत्तीको रुपमा प्रयोग गर्न थालेका कारण विभिन्न समयमा एम्बुलेन्स सेवा बदनाम हुँदै गएकोमा दुख व्यक्त गर्दै केन्द्रीय अध्यक्ष ठाकुरले विरामीहरुलाई समयमै सुविधा सम्पन्न अस्पताल सम्म पुर्याएर मानविय धर्म पुरा गर्नुपर्ने भएपनि त्यस्ता एम्बुलेन्स चलाउने चालकहरु कमसल एवं उपचार नहुने नीजि अस्पताल संग बढि कमिशनमा विरामी ओरालेर मानविय धर्म संग खेलवाड गर्दै आएको उनले गम्भीर आरोप लगाए ।
विभिन्न संघ संस्थाहरु तथा विभिन्न निकायहरुबाट उपहार स्वरुप एम्बुलेन्सहरु उपलब्ध गराउदा उक्त जिल्लाका एम्बुलेन्स व्यवस्थापन समितिका पदाधिकारीहरु जिम्मेवार भई जिल्लामा रहेका सबै एम्बुलेन्सको वर्तमान अवस्थाहरु सम्बन्धमा जानकारी राखेमा मात्रै गैरकानुनी कार्यहरु बन्द हुने उनले सुझाव दिए ।
नेपाल सरकार, प्रदेश र स्थानीय सरकारले आ आफनो इमान्दारीका साथ जिम्मेवारी पुरा गरेमा यस्ता गोरखधन्धा चलाउनेहरुलाई कानुनी कटघेरामा नल्याए सम्म यस्ता कार्यहरु माथि नियन्त्रण गर्न गाह्रो रहेको उनले भने ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन