दाङ, १२ जेठ । लुम्बिनी प्रदेशमा भारत सरकारको सहयोगमा निर्माण भएका दुई वटा विद्यालय भवनको एक समारोहका बीच उदघाटन गरिएका छन् ।
नेपाल–भारत विकास सहकार्य अन्तर्गत भारत सरकारको १.७६ करोड आर्थिक सहयोगमा निर्माण गरिएको दाङको लमही नगरपालिकामा बाल जनता माध्यमिक विद्यालय र सोही जिल्लाको घोराही उपमहानगरपालिकामा पदमोदय पब्लिक नमूना माध्यमिक विद्यालय भवन २.८७ करोड निर्माण सम्पन्न भएपछि दुबै विद्यालय भवनलाई उदघाटन गरिएका हुन् ।
बाल जनता माविको भवन लुम्बिनी प्रदेशका सामाजिक विकास मन्त्री रत्न बहादुर खत्री, जिल्ला समन्वय समितिका प्रमुख नित्यानन्द शर्मा, लमही नगरपालिकाका मेयर जोगराज चौधरी र नेपालस्थित भारतीय राजदूतावासका प्रथम सचिव अविनाशकुमार सिंहले संयुक्त रूपमा उदघाटन गरेको काठमाडौं स्थित भारतीय दूतावासद्वारा जारी विज्ञप्तिमा उल्लेख गरिएको छ ।
त्यसैगरी, पदमोदय पब्लिक नमुना माविको विद्यालय भवन जिल्ला समन्वय समितिका प्रमुख शर्मा, घोराही उप–महानगरपालिकाका मेयर नरुलाल चौधरी र भारतीय राजदूतावासका सचिव सिंहले संयुक्त रूपमा उदघाटन गरिएको जनाइएको हो ।
ती विद्यालयहरूलाई आवश्यक अन्य सुविधा सँगै प्रयोगशाला, प्रयोगशाला उपकरण, फर्निचर र दुई तल्ले विद्यालय भवनको निर्माणमा उपयोग गरिएको सामग्रीहरु रहेको छ । भारत सरकार र नेपाल सरकार बिच भएको सम्झौता अन्तर्गत यी परियोजनालाई उच्च प्रभाव सामुदायिक विकास परियोजनाको रूपमा अघि बढाइएको थियो । जिल्ला समन्वय समिति, दाङमार्फत यी परियोजनाको कार्यान्वयन गरिएको दूतावासले जनाएको छ ।
सन् २००३ यता लुम्बिनी प्रदेशको विभिन्न क्षेत्रमा भारत सरकारका ६१ वटा परियोजना रहेका छन् । जसमा ६ वटा परियोजना दाङमा छन् । भारतले लुम्बिनी प्रदेशलाई १६४ वटा एम्बुलेन्स र ४३ वटा स्कुल बस उपहार स्वरूप प्रदान गरिसकेको छ । त्यसमध्ये यसमा १९ वटा एम्बुलेन्स र पाँच वटा स्कुल बस दाङ जिल्लालाई उपलब्ध गराइएको दुतावासको विज्ञप्तीमा जनाइएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन