तराई टप संवाददाता
सप्तरी, १६ असोज । भारतमा अपहरण गरी नेपालमा लुकाएर राखिएको एक भारतीय युवकलाई नेपाली सुरक्षाकर्मीले सकुशल उद्धार गरेको छ ।
अज्ञात व्यक्तिहरुको समुहले भारतीय नागरिकलाई सप्तरी जिल्लाको बलान बिहुल गाउँपालिकाबाट नेपाली सुरक्षाकर्मीहरुले सकशुल रुपमा उद्धार गरेको प्रदेश प्रहरी कार्यालय जनकपुरधामले जनाएको हो ।
भारत विहार राज्यको मधुबनी जिल्ला लौकाहा ग्राम पञ्चायत वडा नम्वर ९ का २२ बर्षिय शंकरकुमार साहलाई नेपाल प्रहरी र सशस्त्र प्रहरीको संयुक्त टोलीले उद्धार गरिएको प्रदेश प्रहरी प्रमुख डिआइजी उमेश रंजितकारले बताए । बलान बिहुल गाउँपालिका ५ रामनगर स्थित नेपाल भारत सिमा नजिक झाँडीमा साहको खुटामा फालमको साँग्लो (जंजिर) ले बाँधेर राखिएको अवस्थामा उनको नेपाल प्रहरी र सशस्त्र प्रहरीले सकुशल रुपमा उद्धार गरिएको उनले जानकारी दिए ।
भारतीय सुरक्षा अधिकारीको रिपोर्टको आधारमा संयुक्त रुपमा खटिएको सुरक्षाकर्मीहरुको टोली सिमावर्ती क्षेत्रको झाडीमा व्यापक रुपमा सर्च अप्रेशन सुरु गरेर खोजी कार्यमा जुटेका थिए । निकै प्रयास पछि साहलाई अपराधीक व्यक्तिको कब्जाबाट मुक्त गराउन सफल भएपनि अपहरणकारी फेला नपरेको इलाका प्रहरी कार्यालय कडरबोनाका प्रहरी निरीक्षक विरेन्द्र पासवानले बताए । घटनास्थलबाट एनसेल कम्पनीको नेपाली सिमकार्ड प्रयोग भएको एउटा मोवाइल सेट फेला परेको उनले बताए । प्रहरीले थप अनुसन्धान गरिरहेको तथा अपहरित साहलाई आजै भारतीय प्रहरीको जिम्मा लगाइयो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन