रौतहट, २२ जेठ । घाँटी रेटेर हत्या गरिएको अवस्थामा एक युवकको शव रौतहटको राजपुर नगरपालिकामा बरामद भएको छ ।
राजपुर नगरपालिका वडा नम्वर १ पिपरा भगवानपुर देखि पूर्व तर्फ इद्रिीस गेट छेउ हुलाकी सडक खण्डमा अन्दाजी ४५ बर्षिय भारतीय युवकको धारिलो हतियारबाट घाँटी रेटेर हत्या गरिएको अवस्थामा शव बरामद भएको हो ।
मंगलवार विहान स्थानीय बासिन्दाहरुले युवकको शव देखेपछि जिल्ला प्रहरी कार्यालय रौतहटमा जानकारी गराएपछि प्रहरी टोली घटनास्थलमा पुगेर अनुसन्धान गरे । प्रहरीको प्रारम्भीक अनुसन्धान गर्दा धारिलो हतियारले घाँटी रेटेर हत्या गरिएको जिल्ला प्रहरी प्रवक्ता एवं डीएसपी एलिजा गिरीले बताइन ।
मृतकको गोजीबाट प्राप्त कागजपत्रमा भारत बिहार मोतीहारी जिल्लाको भएपनि अहिले सम्म सनाखत हुन नसकेको उनले भनिन ।
हत्या गरिएका युवकको शवको छेउमै सिजे०१–२५६८ नम्बरको भारतीय मोटरसाइकल बरामद भएको बताउदै डिएसपी गिरीले उक्त भारतीय नागरिकको सोही ठाउँमा हत्या गरिएको हो वा अन्य ठाउँबाट हत्या गरी ल्याएर फालेको हो भन्ने हाल सम्म खुल्न सकेको छैनन् ।
मृतक युवकको शव प्रादेशिक अस्पताल गौरमा राखिर सीमापारी काउण्टर पार्टसका सुरक्षाअधिकारीलाई खवर गरिएको डिएसपी गिरीले जानकारी दिइन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन