सर्लाहीको हरिपूर्वा नगरपालिका वडा नम्वर ४ डुमरियामा गौर नगरपालिकाबाट लगिएको लामखुट्टे धपाउने मेशिनमा आगलागि, मेशिन र पिकअप पूर्ण रुपमा जलेर नष्ट, गम्भीर घाइते कर्मचारीको जनकपुरमा उपचार हुँदै ।
सर्लाही, ५ असार । सर्लाहीको हरिपुर्वा नगरपालिकामा लामखुट्टे धपाउने क्रममा मंगलवार राति आगो लाग्दा औषधी छर्ने मेशिन, पिकअप भ्यान र दुई जना कर्मचारी गम्भीर घाइते भएका छन् ।
जिल्ला प्रहरी कार्यालय सर्लाहीका अनुसार हरिपूर्वा नगरपालिकामा लामखुट्टेको प्रकोपलाई नियन्त्रण गर्नका लागि रौतहटको गौर नगरपालिकाबाट लगिएको लामखुट्टे धपाउने मेशिनमा गएराति ८.१५ मिनेटमा अचानक आगो लागेका थिए ।
गौर नगरपालिकाको मेधश प्रदेश ०३–००१ झ ०११८ नम्वरको पिकअप गाडी, औषधी छर्ने मेशिन पूर्ण जलेर नष्ट भएको जानकारी दिदै जिल्ला प्रहरी कार्यालय सर्लाहीको प्रवक्ता एवं डिएसपी दिपक श्रेष्ठले जानकारी दिदै हरिपूर्वा नगरपालिका नगरपालिकाको वडा नम्वर ४ डुमरिया टोलमा औषधी छर्ने क्रममा गौर नगरपालिकाकै कर्मचारी दुई जना मध्ये एक जना गम्भीर घाइते भएको बताए ।
गौर नपा ४ का ५० बर्षिय गेना पंण्डितको दुबै हात र दुबै खुट्टाको भागको भाग गरर ४० प्रतिशत जलेको छ भने गौर नपा ८ पुरेनवाका २५ बर्षिय लक्ष्मी नारायण साहको बाँयाँ खुट्टाको पैतालमा गरी ५ प्रतिशत जलेको बताउदै दुबै जनालाई राति नै उपचारको लागि जनकपुर पठाइएको उनले भने । दुबै जनाको जानकी हेल्थ केयरमा उपचार भईरहेको तथा दुबै खतरामुक्त रहेको उनले भने ।
गम्भीर घाइते गेना पंण्डितलाई थप उपचारको लागि काठमाडौं पठाउने तयारी भईरहेको सर्लाही प्रहरीका डिएसपी श्रेष्ठले जानकारी दिए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन