सर्लाही, ६ असार । सर्लाहीको वागमती नगरपालिकामा विहिवार विहान यात्रुबाहक बसले रोकि राखिएका भारतीय मालबाहक लरीमा ठोक्किएर भएको दुर्घटनामा अहिले सम्म तिन जनाको मृत्यु भएको छ भने करिव डेढ दर्जन भन्दा बढि यात्रुहरु घाइते भएका छन् ।
पूर्व पश्चिम राजमार्ग अन्तर्गत पर्ने वागमती नगरपालिका वडा नम्वर ११ रायमाझी चोकमा रोकि राखिएका एनएल ०१ एएच ९२५२ नम्बरको भारतीय लरीमा भैरहवाबाट जनकपुर तर्फ गईरहेका लु. १ ख. ८८४८ नम्वरको यात्रुबाहक बसले आज विहान ठोक्किदा अहिले सम्म ३ जनाको मृत्यु भएको जिल्ला प्रहरी कार्यालय सर्लाहीले पुष्टि गरेका हुन् ।
बस ठोक्किँदा रुपन्देहीको मायादेवी गाउँपालिका निवासी हरिबहादुर चौधरी, ८५ वर्षिय दशरथ कहार र ५० वर्षका रामकरण केवटको मृत्यु भएको जिल्ला प्रहरी कार्यालय सर्लाहीको प्रवक्ता एवं डिएसपी दिपक श्रेष्ठले जानकारी दिए । घटना पश्चात तत्काले घाइतेहरुको उद्धार गरिएर उनीहरुलाई हरिवनस्थित नमूना अस्पताल पु¥याएकामा चिकित्सकले तिन जनालाई मृत घोषणा गरेको उनले भने । रुपन्देहीबाट जनकपुरतर्फ गईरहेको बसमा ४० जना यात्रु सवार रहेको थियो ।
दुर्घटनामा गम्भीर घाइते भएकाहरुको जनकपुर, वीरगञ्ज तथा स्थानीय अस्पतालहरुमा उपचार भइरहेको डिएसपी श्रेष्ठले भने ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन