रौतहट, ६ असार । श्रोत नखुलेको १४ लाख ८० रुपैया सहित पक्राउ गरेका हुण्डी कारोवारीलाई सशस्त्र प्रहरीले समातेर आवश्यक कारवाहीको लागि गौर भन्सार कार्यालयमा बुझाउदा त्यहीबाट ति कारोवारी फरार भएका छन् ।
सशस्त्र प्रहरीको सरमुजवा बेस क्याम्पले नियन्त्रणमा लिएर भन्सार कार्यालयमा हुण्डी कारोवारीलाई बुझाएर हिडेपछि शौच गर्ने बहानामा भन्सार कार्यालयको बाउण्ड्री वाल हाम फालेर फरार भएका हुन् ।
सशस्त्र प्रहरीको सरमुजवा बेस क्याम्पले विहिवर विहान १० बजेको समयमा बौधीमाई नगरपालिका वडा नम्वर ७ स्थित भन्सार गेटमा विआर ०५ विवि ६२१२ नम्वरको भारतीय नम्वरको मोटरसाइकल चेकजाँच गर्दा सिट मुनी लुकाएर राखेको १४ लाख ८० हजार रुपया सहित भारत पूर्वी चम्पारण जिल्ला झरौखर ७ जमुनियाका ३१ बर्षिय गजेन्द्र रायलाई नियन्त्रणमा लिएका थिए ।
सशस्त्र प्रहरीको वेस क्याम्पस सरमुजवाको सशस्त्र प्रहरी निरीक्षक अनिल खड्काको टोलीले गौर भन्सार कार्यालयमा १४ लाख ८० हजार नगद र मोटरसाइकल सहित हुण्डी कारोवारी गजेन्द्रलाई बुझाउदा मुद्दा नम्बर ७७१ मा दर्ता भएपछि हामी त्यहाँबाट बाहिरिएका थियौं । सशस्त्र प्रहरी बल नेपाल नम्वर ११ गणले जारी गरेको प्रेस नोटमा भारतीय नागरिक सहित बरामद गरिएका १४ लाख ८० हजार नगद र मोटरसाइकल सहित आवश्यक कारवाहीका लागि भन्सार कार्यालयको जिम्मा लगाइएको बताए ।
तर, सशस्त्र प्रहरीले बुझाएको हुण्डी कारोवारी भन्सार कार्यालयबाट फरार भएपछि भन्सार प्रमुखले आफनो नियन्त्रणबाट फरार नभएको दाबी गर्दै सशस्त्र प्रहरीको नियन्त्रणबाट फरार भएको बताए ।
गौर भन्सार कार्यालयको प्रमुख अमरेन्द्र सिंहले हामी अर्थ मन्त्रीज्यूको भर्चुअल मिटिंगमा व्यस्त रहेको बेला एक्कसी यहाँबाट मानिस फरार भएको कुरा सुने तर त्यस वेला सम्म हाम्रो नियन्त्रणमा नरहेको दाबी गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन