काठमाडौं, ९ असार । वैदेशिक रोजगारमा जाने युवायुवतीहरुबाट अबैध रुपमा रकम ठगी गर्दै आइरहेका वैदेशिक रोजगार विभागको कार्यालय तहाचलन काठमाडौंलाई आईर्टी आर्मीले हातमा कालोपटी बाँधेर आईतवार आठौं दिन घेराउ प्रदर्शन गरेका छन् ।
आम जनता पार्टी निकट रहेका आईटी आर्मीले वैदेशिक रोजगारमा ठगिएका पीडितलाई न्याय दिलाउनको लागि विगत ८ दिन देखि घराउ प्रदर्शन संगै आन्दोलनलाई जारी राखेका हुन् ।
आर्मीले विदेश जाने कामदारसँग अवैध ढंगबाट लिएको रकम फिर्ता गर, ठग मेनपावर र एजेन्टटलाई कारवाही गर, बेरोजगार युवाहरुलाई स्वदेशमै रोजगारीको व्यवस्था गर, वैदेशिक रोजगार पीडितहरूलाई न्याय देउ, विदेशमा अलपत्र परेकाहरुलाई तत्काल उद्धार गर लगायतको माग राख्दै आन्दोलनमा उत्रिएको आईटी आर्मीले जनाएको छ ।

असुरक्षित रोजगारीमा पठाउने अधिकारीलाई कारवाही गर, फ्री– भिसा फ्री– टकट व्यवहारतः लागू गर, निजी मेनपावरहरुलाई खारेज गरी विदेशमा कामदार पठाउने जिम्मा राज्यले लिनुपर्ने प्रमुख मागहरु अघि सारेको बताइएको छ । यी मागहरु प्रति राज्य उदासिन बनेको हुँदा आन्दोलनमा उत्रनु परेका छन् ।
बेरोजगारहरुको खुलेआम व्यापार भईरहेको र ठगहरु सामु वर्तमान सरकार लाचार भएको परिस्थितिमा पीडितलाई न्याय दिलाउन आईटी आर्मीले लिएको पहलकदमी सराहनीय रहेको आजपाका अध्यक्ष प्रभु साहले तराई टप संग कुरा गर्दै भने । उनले देशमा अहिले दलाल भगौडाहरुको हालीमुहाली रहेको र लोकतन्त्रको ठाउँमा दलतन्त्र हाबी भएको टिप्पणी गर्दै मुलुकमा गम्भीर परिस्थितिको सृजना हुने संकेतहरु देखा परेपनि लोकतन्त्रका हिमायती भनाउनेहरु चिर निन्द्रामा सुतेको गम्भीर आरोप लगाए ।


बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन