अफगानिस्तानको कुन्दुज शहरस्थित एक मस्जिदमा भएको आत्मघाती हमलामा परेर कम्तीमा ५० जनाको मृत्यु भएको छ ।
शुक्रबारको नेमाज पढिरहेको समयमा भएको यो आक्रमण अमेरिकी सेनाले अफगानिस्तान छाडे पछिको सबैभन्दा ठूलो आत्मघाती हमला भएको हो । शिया मुस्लिमहरुको सैद आबाद मस्जिदमा भएको आक्रमणबाट उक्त मस्जिदमा प्रार्थना गरिरहेको मानिसहरुको शव यत्रतत्र छरिएका थिए ।
आक्रमणमा परेर एकसय भन्दा बढी घाइते भएका छन् । इस्लामिक स्टेटले यो आक्रमणको जिम्मेवारी लिएको छ । अफगानिस्तानमा शिया मुस्लिम समुदाय माथिको आक्रमणमा सुन्नी मुस्लिम चरमपन्थीहरुको हात रहेको आरोप लाग्दै आएको छ ।
अफगानिस्तानमा आइएस के ले लगातार तालिबान सरकारको विरोध गर्दै आइरहेको छ र देशका पूर्वी क्षेत्रमा दर्जनौ पटक विष्फोट गराइसकेको छ । शुक्रबार पनि मस्जिदमा नामाज पढिरहेका बेला एक आत्मघाती आक्रमणकारीले शरीरमा बाँधिएको विष्फोटक पदार्थ विष्फोट गराएका थिए ।
मस्जिदमा ३ सय बढी व्यक्ति नामाज पढिरहेका थिए । घटनामा मर्नेहरुको संख्या अझै बढ्न सक्ने स्थानीय सुरक्षा अधिकारीलाई उदृत गर्दै बीबीसीले जनाएको छ । संयुक्त राष्ट्रसंघले घटनाको भर्त्सना गर्दै शुक्रबार भएको विष्फोटको घटना ‘एक धार्मिक संस्थालाई लक्षित गरी यो हप्ता भएको तेश्रो घातक हमला’ भनेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन