काठमाडौं, २१ असार । ललितपुर प्रहरीले ताल्छिखेल स्थित एक निर्माणाधिन घरमा छापा मार्दा सुन, सुन गाल्ने मेसिन सहित नगद ५० लाख सहित पाँच जनालाई पक्राउ गरेका छन् ।
विशेष सुचनाको आधारमा ललितपुर प्रहरीले छापा मारेर भारत महाराष्ट्र आडवारी थाना घर भई ताल्छिखेलमा बस्दै आएका २८ बर्षिय युवराज विभुते, २० बिर्षय विक्रम यलवर, १८ बर्षिय अभिषेख विभुते, भक्तपुर सुर्यविनायक १ विरुवाका २० बर्षिय सिद्धान्त चौलागाई र ललिपुर महालक्ष्मी नपा ८ का २० बर्षिय यसवन्त सुनारलाई पक्राउ गरिएका हुन् ।
उनीहरुबाट १६९ ग्राम ९७० मिलिग्राम सुन, २४७ ग्राम २५० मिलिग्राम चाँदी, ५० लाख ४ हजार ७३० नगद, डिजिटल तराजु, हार्ड डिस्क, सुन पगाल्ने मेसिन, बैंकमा नगद जम्मा गरेको भौचर बरामद भएको प्रहरीले जनाएको छ ।
पक्राउ परेको व्यक्तिको आधारमा भारतीय नागरिक युवराजको फ्ल्याटमा खानतलासी गरेको थियो । सो क्रममा ५० लाख नगद र सुन समेत बरामद भएको जिल्ला प्रहरी परिसर काठमाडौंका एसपी तथा प्रवक्ता नरेशराज सुवेदीले जानकारी दिए ।
पक्राउ परेको पाँचै जनालाई सुनचाँदी र नगद सहित आवश्यक अनुसन्धान एवं कारवाहीका लागि राजस्व अनुसन्धान कार्यालय हरिहर भवन पठाउने तयारी भईरहेको बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन