रौतहट, २९ असोज । रौतहट प्रहरीले विभिन्न स्थानबाट अबैध सालको काठ बरामद गरेको छ भने लागु औषध गाँजा सहित एक जना व्यक्तिलाइ विहिवार पक्राउ गरेका छन् ।
ईलाका प्रहरी कार्यालय बिजयपुरको टोलिले आज बिहान अबैध सालको चिरान काठ सहितको ट्याक्टर बरामद गरेको हो । इप्रकालाई प्राप्त विशेष सूचनाको आधारमा त्यस तर्फ गएको प्रहरी टोलिले फतुवा बिजयपुर नगरपालिका १० हिमालिबास स्थित मुख्य सडकमा चेकजाँचको क्रममा ना ६ त ८०५१ नम्बरको ट्याक्टर बाट ३३ थान सालको चिरान काठ बरामद गरेको जिल्ला प्रहरी प्रवक्ता डिएसपी भरत श्रेष्ठले बताए ।
अबैध काठ ट्रेक्टरमा राखेर ल्याउदै गरेका गढिमाई नपा ६ का चालक रुपेश यादव पक्राउ परेको जानकारी दिए । नियन्त्रणमा लिइएको काठ सहितको ट्रेक्टर र चालकलाई आवश्यक कार्वाहीको लागि डिभिजन वन कार्यालय चन्द्रपुरलाई जिम्मा लगाइएको छ ।
यसैगरी ईलाका प्रहरी कार्यालय गरुडाले लागुऔषध ५०० ग्राम गांजा सहित कटहरिया नगरपालिका १ भसेढवा खोरटोलका २२ बर्षिय संजय दासलाई नियन्त्रणमा लिएको छ । निज माथी लागु औषध सम्बन्धी मुद्दा दर्ता गरी जिल्ला अदालत गौर बाट १५ दिनको म्याद थप गराई अनुसन्धान सुरु गरिएको डिएसपी श्रेष्ठले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन