रौतहट, ९ भदौं । बारा जिल्लाबाट बोलबममा गईरहेका तिर्थयात्रीहरु चढेको बसलाई भारत विहारको समस्तीपुरमा ट्रकले ठक्कर दिएका छन् ।
ट्रकको ठक्करबाट तिर्थ यात्रीहरु चढेको बस बाटोमै पल्टिदा कम्तीमा २५ जना नेपाली तिर्थयात्रीहरु घाइते भएका हुन् ।
भारतीय संचारमाध्यमका अनुसार ना. ७ ख. ६४४६ नम्बरको बस समस्तीपुर जिल्लाको मुसरीघरारी थाना क्षेत्रमा पर्ने एनएच २८ राजमार्गमा आईतवार विहान ट्रकले ठक्कर दिदा दुर्घटना भएको छ ।
बारा जिल्लाको बारागढी गाउँपालिका वडा नम्बर ३ मूर्तिपालिया गाउँबाट भारतको झारखण्ड स्थित देवघरमा राबनेश्वर महादेव दर्शनका लागि बोलबम तीर्थयात्रा गईरहेका बस दुर्घटना भएको जनाइएको छ ।
केही भारतीय सञ्चारमाध्यमले नेपाली तीर्थयात्री सवार बसलाई एउटा ट्रकले ठक्कर दिँदा बसको एक्सल भाँचिएर सडकमै पल्टिएको जनाएको मिडिया रिपोर्टमा उल्लेख गरिएको छ । सो दुर्घटनामा परेर कम्तीमा २५ जना तीर्थयात्री घाइते भएका छन् । बसमा ४३ यात्री सवार रहेको जनाइएको छ ।
घाइतेहरुलाई मुसरीघरारीको अस्पतालमा उपचारका लागि भर्ना गरिएको र सामान्य चोट लागेका केहीलाई उपचारपछि डिस्चार्ज गरिएको जनाइएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन