सर्लाही, ५ कार्तिक । सर्लाहीको गोडैता नगरपालिकामा लोकतान्त्रिक समाजवादी पार्टीद्धारा शुभ दिपावली एवं छठ पर्वको शुभकामना आदानप्रदान कार्यक्रमको आयोजना गरे ।
गोडैता नगरपालिका वडा नम्वर २ बेल्वाजबदी स्थित पोखरी चौकमा सोमवार आयोजित शुभकामना आदानप्रदान कार्यक्रम लोसपाका वरिष्ठ उपाध्यक्ष प्रदिप नारायण यादवको प्रमुख आतिथ्यतामा आयोजना भएको लोसपाका गोडैता नगर अध्यक्ष मुकेश ठाकुरले जानकारी दिए ।
शुभकामना अदानप्रदान कार्यक्रमलाई सम्बोधन गर्दै लोसपाका केन्द्रिय महासचिव तथा गोडैताका मेयर देवेन्द्र यादवले जनताको सुख दुखमा साथ दिने पार्टीनै सर्वोत्तम पार्टी रहेको उहाँले टिप्पणी गरे ।
लोसपा पार्टी मधेस आन्दोलन लगायत देशका विभिन्न राजनीतिक परिवर्तनमा महत्वपूर्ण भुमिका निर्वाह गरेको स्मरण गराउदै जनताको मुलभुत अधिकार तथा माग सम्बोधन गर्ने पार्टी नै आम नागरिकको पार्टी रहेको उनले बताए ।
मेयर यादवले मञ्चबाटै अगामी स्थानीय तहको निर्वाचनमा वडा नम्वर २ का वडाअध्यक्ष पदको उम्मेदवारमा लोसपाका तर्फबाट भोला महतोको नाम अघि समेत सारे । अन्त्यमा उनले हिन्दुहरुको महान चाड शुभ दिपावली तथा छर्ठ पर्वको पावन अवसरमा नगरका सम्पुर्ण नगरवासीमा सुख, शान्ति तथा दीर्घायुका कामना समेत गरे ।
वडा नम्वर २ का निर्वतमान वडाअध्यक्ष भोला महतो को अध्यक्षतामा सम्पन्न उक्त शुभकामना अदानप्रदान कार्यक्रममा सुचु मिश्रले मञ्च सन्चालन तथा नगरअध्यक्ष मुकेश ठाकुरले स्वागत गरेका गरेका थिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन