तराई टप संवाददाता
काठमाडौं, २२ कार्तिक । नेपाल र भारत बिच आदी काल देखि कायम रहेको सम्बन्धलाई अझ प्रगाढ बनाउने उद्देश्यबाट पशुपतिनाथ देखि काशी विश्वनाथ सम्म मोटरसाइकल रयाली हुने भएको छ ।
नेपाल र भारतबीच साँस्कृतिक सम्बन्धलाई स्थापित गर्नका निमित्त नेपाल स्थित भारतीय दुतावासको आयोजनामा कार्तिक २५ गते देखि पशुपतिनाथ देखि काशी विश्वनाथ सम्म मोटरसाइकल रयाली हुन लागिएको हो ।
भारतीय दुताबास काठमाडौंको आनुसार कातिक २५ गते अर्थात विहिवार विहान पशुपतिबाट मोटरसाइकल रयाली निस्कने छ । भारतको उत्तर प्रदेशको बनारसमा रहेको काशी विश्वनाथ सम्म सो मोटरसाइकल रयाली पुग्नेछ । मोटरसाइकल रयालीमा नेपाल र भारतको गरी ५० जना युवाहरु सहभागी हुने दुतावासले जनाएका छन् ।
केही भारतीय युवकहरु मात्रै सहभागी हुने तथा अधिकाँश नेपालीहरु उक्त रयालीमा सहभागी हुने बताइएको छ । कार्तिक २५ गते हिडेको मोटरसाइकल रयाली २७ गते बनारसमा पुग्ने विश्वास लिएको छ । नेपाल र भारतबीच सदियौं देखि रहँदै आएको साँस्कृतिक सम्बन्धलाई अझ बलियो बनाउने उद्देश्यले यो कार्यक्रम गर्न लागिएको भारतीय दूतावासले जनाएको छ ।
यो कार्यक्रमले दुई देशको सम्बन्ध अझ बलियो हुने विश्वास दूतावासले लिएको छ । रयालीको उद्घाटन कसले गर्ने भन्ने विषयमा भने छलफलहरु चलिरहेको दूतावास श्रोतबाट बुझिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन