इशलामाबाद, एजेन्सी । पछिल्ला समयमा पाकिस्तानमा चिनियाँ नागरिकहरु माथि भईरहेको निरन्तर हिंसात्मक आक्रमणको कारण पाकिस्तान चीन बीचको सम्बन्ध चिसिदै गएका छन् ।
चीनको विस्तारबादी नीतिका कारण आम पाकिस्तानी नागरिकहरुलाई चेपुवामा पारेर आफनो स्वार्थपूर्तीमा लागेका कारण चिनिया नागरिक माथि हिंसात्मक आक्रमण भईरहेको र उक्त हमलाका कारण पाकिस्तान चीन बीचको सम्बन्ध तनावपूर्ण बन्दै गएका हुन् ।
मिडिया रिपोर्टका अनुसार कराचीको एक कपडा कारखानामा नोभेम्बर ५ मा भएको गोलीकाण्डमा दुई चिनियाँ नागरिक घाइते भएपछि चीनले पाकिस्तानलाई आफ्ना नागरिकहरूको सुरक्षा बलियो बनाउन चेतावनी दिए । त्यस घटनापछि चीनले पाकिस्तानसँग ‘संयुक्त सुरक्षा संयन्त्र’ स्थापना गर्न दबाब दिइरहेको मिडिया रिपोर्टमा उल्लेख गरिएका छन् ।
चिनियाँ नागरिकहरूको सुरक्षामा देखिएको कमजोरीका कारण चीन–पाकिस्तान आर्थिक कोरिडोर सिपिईसी परियोजनाको कार्यान्वयनमा ठूलो प्रभाव पर्ने चिन्ताका बीच पाकिस्तानले थप सुरक्षा उपाय अपनाउनु पर्ने दबाबको सामना गर्नु परेको छ ।
हालै आत्मघाती कार बम आक्रमण र अन्य आतंकवादी घटनामा चिनियाँ कामदारहरूको मृत्युपछि चीनले सुरक्षा सुधारका लागि कडा कदम चाल्न पाकिस्तानलाई चेतावनी दिएका छन् ।
पाक प्रधानमन्त्री शेहबाज शरीफले उक्त घटना प्रति गम्भीर चिन्ता प्रकट गर्दै दोषीलाई कारबाहीको प्रक्रिया जनाए । तर, पाकिस्तानमा चिनियाँ सुरक्षाकर्मीहरूलाई तैनाथ गर्न चीनको प्रस्ताव प्रति पाकिस्तानको सतर्कता र स्थानीय स्तरमा बढ्दै गएको विरोधले द्विपक्षीय सम्बन्धमा तनाव थपिएको छ । यस स्थितिले सिपिईसी परियोजना र पाकिस्तानमा चिनियाँ लगानीहरूमा थप जोखिम सिर्जना गरेको मिडिया रिपोर्टमा उल्लेख गरिएको छ ।
श्रोतः विभिन्न अनलाईन एवं मिडिया रिपोर्टका आधारमा तयार पारिएका समाचार
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन