रौतहट, १७ माघ । चन्द्रपुर नगरपालिका स्थित जनज्योती नमूना माध्यमिक विद्यालय परिसरमा सरस्वती माताको मन्दीरको निर्माण कार्य सम्पन्न गरिएको छ ।
विद्याकी देवी सरस्वती माताको आउन लागेको माघ २१ गते पुजा अगावै निर्माण कार्य सम्पन्न गरेर मंदिरमा सरस्वती माताको मुर्ती स्थापना गरी आज प्राण प्रतिस्ठापन गरिएको हो ।
बिद्यालय ब्यबस्थापन समितिका अध्यक्ष नरेश कुमार लामिछानेले ब्राम्ह् मुहुर्तमा विधिपूर्वक सरस्वती माताको प्राण प्रतिस्ठापन गरे । जनज्योती नमुना माध्यमिक बिद्यालयमा २०४८ सालको एसएलसी परिक्षा दिएका बिद्याथीहरुबाट सरस्वती माताको मुर्ती बिद्यालयलाई हस्तान्तरण गरेसंगै दिर्घकालिन रुपमा मंदिर निर्माण कार्य सम्पन्न भएको बताइएको छ ।
सो मन्दिरमा आज एक कार्यक्रमका बीच औपचारीक रुपमा उदघाटन गरिएको छ । मंदिरको उदघाटन कार्यक्रम लाई सम्बोधन गर्नुहुदै प्रतिनिधि सभाका सदस्य देब प्रसाद तिमल्सिनाले बिद्यालयबाट शिक्षा लिएर बाहिरिएका बिद्याथीहरु बाट बिद्यालयको संरचना निर्माणमा सहयोग पुर्याउनु निकै नै सराहनीय कार्य भएको बताए । उनले यो कार्य सबैको लागि मार्गदर्शन भएको स्पष्ट पारे ।
सोही कार्यक्रममा नेपाल शिक्षक संघ रौतहटका अध्यक्ष रामकृपाल यादबले २०४८ मा एसएलसी परिक्षा दिएका बिद्यार्थीहरुद्धारा नबिनत सोचको यो उदाहरणीय कार्य रहेको र अन्य बिद्यालयका एसएलसी उतिर्ण भएका बिद्यार्थीहरुले पनि यस्तै सामाजिक कार्य गर्न अभिप्रेरित गर्नुपर्ने बताए ।
०४८ सालमा एसएसली दिएका बिद्याथीहरुको तर्फबाट नेपाल पत्रकार महासंघ रौतहटका अध्यक्ष समेत रहनु भएका सञ्जय कार्कीले बिद्यालयमा शिक्षा लिएर बाहिरदै गर्दै बिद्यालयले शिक्षित बनाएकै कारण सामाजिक, राजनीनितिक, रोजगारीमा आबद्ध भएपछि बिद्यालयलाई पनि सहयोग गर्नुपर्छ भन्ने भाबनाका साथ सरस्वती माताको मुर्ती बिद्यालयलाई हस्तान्तरण गरिएको बताए । बिद्यालयका प्राध्यानाध्यापक देबनारायण हुमागाईले २०४८ सालका बिद्यार्थीले बिद्यालयको आबश्यक्ता लाई सहयोग गरेको भन्दै प्रंशसा गरे ।