रौतहट, ४ कार्तिक । रौतहट वन क्षेत्रमा बाघ सहितका जंगली जनावरहरु देखा परेको हुँदा वन क्षेत्रमा प्रवेश नगर्न डिभिजन वन कार्यालय चन्द्रपुरले सर्वसाधारण जनताहरु संग आग्रह गरेको छ ।
चन्द्रपुर नगरपालिकाको वडा नम्वर ३ र ४ मा पर्ने जंगलक्षेत्र, पुर्व पश्चिम राजमार्ग उत्तर लमाहा जंगल आसपासको क्षेत्रमा बाघ सहितको जंगली जनावरहरु देखिएको हुँदा विना इजाजत वन क्षेत्रमा प्रवेश नगर्न सर्वसाधारण जनताहरु संग वन कार्यालयले आग्रह गरेको हो ।
उक्त क्षेत्रमा बाघको ठुला ठुला पाइलाहरु देखीएको सामुदायिक वनका हेरालुहरुले जानकारी डिभिजन वन कार्यालयलार्य दिएको छ । ठुलो पोखरी उत्तर लमाहा जंगलको आसपास बाघ रहेको बताइएको छ । चन्द्रपुरको जनचाहाना सामुदायिक वन उपभोक्ता समुह र राष्टिय वनको सिमानामा पर्ने वनमा बाघ रहेको पाइएको छ । वनमा बाघ रहेकाले वन प्रवेश नगर्न डिभिजन बन कार्यालय चन्द्रपुरका प्रमुख वन अधिकृत विनोद सिंहले सवै लाइ आग्रह एवं सचेत गराएका छन् ।
रौतहट र वाराको सिमाना सीगौल आसपासको वन क्षेत्रमा समेत बाघले सोमवार मानिस माथि आक्रमण गरेको छ, बल्ल बल्ल ति मानिस जोगियो । गत असोज १४ गते बाघको आक्रमणबाट रौतहट चन्द्रपुर नपाका एक युवकको मृत्यु भएको र दुई जना घाईते भएका थिए ।
जंगली जनावर हात्ती, बाघ वन क्षेत्रमा ओहरदोहर गरिरहदा उक्त वन क्षोत्रमा प्रवेश गर्दा धेरै खतरा रहेको उनले भने । सतेरी वन क्षेत्रमा बाघहरु रहेको तथा पछिल्ला बर्षहरुमा यस जिल्लाको वन क्षेत्रमा जंगली जनावरहरुको सख्या बढेसगै जोखिम बढेकोले वनमा प्रवेश गर्न जोखिम रहेको र होसीयारी अपनाउन डिभिजन वन प्रमुख सिंहले जिल्लाबासी संग आग्रह गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन