“चन्द्रनगरको संकल्पः छोरीलाई सम्मान, शिक्षालाई प्राथमिकता” १३ जना छोरीहरुलाई ५० हजार सहयोग

0 Shares
राधेश्याम कुशवाहा
सर्लाही । चन्द्रनगर गाउँपालिकाले बालविवाह रोकथाम र छोरीहरूको उच्च शिक्षामा पहुँच विस्तार गर्ने उद्देश्य सहित विशेष अभियान सञ्चालन गरेको छ ।
यसैक्रममा, गाउँपालिकाले प्लस २ पास गरी २० वर्ष उमेर पूरा गरेर बिहे गरेका १३ छोरीलाई जनही रु ५० हजार र २० वर्ष पूरा गरी स्नातक तहको पहिलो वर्षमा अध्ययनरत २३ छोरीलाई जनही रु ११ हजारको चेक हस्तान्तरण गरेको छ ।
गाउँपालिकाका अध्यक्ष राजकुमार महतोले पदभार ग्रहण गरेपछि बालविवाह न्यूनीकरण र छोरीहरूलाई उच्च शिक्षा हासिल गर्न प्रोत्साहन दिने पहिलो निर्णयस्वरूप यो योजना ल्याइएको बताए । उनका अनुसार, चन्द्रनगरमा हरेक वर्ष ५० प्रतिशतभन्दा बढी बालविवाह र २० प्रतिशतभन्दा बढी कम उमेरमा भागी विवाह हुने गरेको तथ्यांकलाई ध्यानमा राख्दै यस्तो निर्णय गरिएको हो ।
“छोरीहरूलाई उच्च शिक्षा हासिल गर्न प्रोत्साहित गर्दै समाजमा बालविवाह र कम उमेरमा हुने भागी विवाह रोक्न हाम्रो अभियान हो । छोरी शिक्षामा गरिएको लगानीले उनीहरूको भविष्य मात्र होइन, समुदायको भविष्य पनि उज्यालो बनाउँछ,” अध्यक्ष महतोले भने ।
स्थानिय सरकारको यो कदमलाई छोरीहरूलाई शिक्षाको उज्यालो बाटो देखाउँदै बालविवाहको अन्धकार हटाउने एउटा साहसिक र प्रेरणादायी कदम रहेको महिला अधिकारकर्मी रम्भा बताउँछिन ।
यो अभूतपूर्व कदमले छोरीहरूको भविष्य उज्ज्वल बनाउन मात्र होइन, समाजको सोचमा आमूल परिवर्तन ल्याउने संकल्प बोकेको महिला अधिकारकर्मी झा को भनाई छ ।
चन्द्रनगर गाउँपालिकामा हरेक वर्ष ५०% भन्दा बढी बालविवाह र २०% भन्दा बढी कम उमेरमा हुने भागी विवाहले जरा गाडेको थियो । यस्तो कुप्रथालाई जरैदेखि उखेलेर फाल्न र छोरीहरूलाई उच्च शिक्षाको ढोका खोल्न यो योजना जन्मिएको हो ।
गाउँपालिका अध्यक्ष राजकुमार महतो भावुक हुँदै भन्छन्, “हाम्रा छोरीहरू बोझ होइनन्, समाजका गहना हुन् । उनीहरूलाई पढाउनु र उमेर पुगेपछि सम्मानजनक जीवन दिनु हाम्रो कर्तव्य हो । यो सहयोग त्यही कर्तव्यको पहिलो पाइला हो ।”
जनप्रतिनिधिको ऐतिहासिक निर्णय
निर्वाचित भएलगत्तै अध्यक्ष महतो र जनप्रतिनिधिहरूले छोरीहरूको शिक्षा र सशक्तीकरणलाई पहिलो प्राथमिकतामा राखे । यो नीति उनीहरूको पहिलो बैठकको पहिलो निर्णय बन्यो, जसले गाउँपालिकाको दूरदर्शिता झल्काउँछ । निमित्त प्रमुख प्रशासकीय अधिकृत राजेश यादवले थपे, “रु. ५० हजार र रु. ११ हजारको यो सम्मान रकम छोरीहरूको आत्मसम्मान र सपनालाई उडान दिने पखेटा हो ।”
समाजमा उज्यालो किरण
यो पहलले अभिभावकहरूको सोचमा क्रान्ति ल्याएको छ। छोरीलाई बोझ ठान्ने पुरातन मानसिकता टुट्दै गएको छ भने छोरीहरू आफ्नो पढाइ र भविष्यप्रति सचेत बनेका छन् । “अब हाम्रा छोरीहरू डिग्री बोकेर, आत्मनिर्भर बनेर विवाह गर्नेछन्,” अध्यक्ष महतोले गर्वका साथ भने ।
चेक हस्तान्तरण समारोहमा अध्यक्ष महतो, निमित्त प्रमुख प्रशासकीय अधिकृत यादव, वडा अध्यक्ष र सदस्यहरूको उपस्थितिले यो क्षणलाई ऐतिहासिक बनायो, जसको जानकारी अधिकृत छैठौं कृष्ण प्रसाद आचार्यले दिए ।
देशभरका लागि प्रेरणा
चन्द्रनगर गाउँपालिकाको यो कदम केवल एउटा गाउँको कथा होइन, यो देशभरका छोरीहरूको सपनालाई साकार पार्ने नयाँ मार्गचित्र हो । यो पहलले शिक्षा र समानताको सन्देश बोकेर अन्य स्थानीय तहहरूलाई पनि चुनौती दिएको छ ।
नयाँ युगको सुरुवात
स्थानिय सरकारको यो कदम छोरीहरूको हातमा कलम र सपना थमाउने संकल्पको कथा हो । चन्द्रनगर गाउँपालिकाले देखाएको यो बाटोले हरेक छोरीको जीवनमा नयाँ उज्यालो ल्याउने विश्वास गरिएको छ । यहाँबाट सुरु भएको यो यात्रा अब रोकिनेछैन—यो एउटा क्रान्तिको पहिलो चरण हो !
निमित्त प्रमुख प्रशासकीय अधिकृत राजेश यादवका अनुसार, २० वर्ष उमेर पुगेपछि मात्र विवाह गर्ने र उच्च शिक्षामा सहभागी हुने छोरीहरूलाई आर्थिक सहयोग प्रदान गरेर सम्मान व्यक्त गरिएको हो । उनले भने, “छोरीलाई बोझ ठान्ने मानसिकता हटाउँदै अभिभावकहरूलाई छोरी शिक्षामा लगानी गर्न उत्प्रेरित गर्ने हाम्रो उद्देश्य हो ।”
यस योजनाबाट लाभान्वित छोरीहरू र अभिभावकहरूले गाउँपालिकाको यस कदमको खुलेर प्रशंसा गरेका छन् । स्थानीयवासीहरूका अनुसार, यो अभियानले बालविवाह न्यूनीकरणमा मात्रै नभई, छोरीहरूलाई आत्मनिर्भर र शिक्षित बनाउन महत्वपूर्ण भूमिका खेल्नेछ ।
चेक हस्तान्तरण कार्यक्रममा गाउँपालिका अध्यक्ष राजकुमार महतो, निमित्त प्रमुख प्रशासकीय अधिकृत राजेश यादव, वडा अध्यक्षहरू तथा गाउँपालिकाका विभिन्न पदाधिकारीहरूको उपस्थिति थियो । कार्यक्रममा अधिकृत छैठौं कृष्णप्रसाद आचार्यले बालविवाह उन्मूलन र महिला सशक्तीकरण तर्फ चन्द्रनगर गाउँपालिकाले चालेको यो कदम ऐतिहासिक भएको उल्लेख गरे ।
स्थानीय तहबाट नै छोरी शिक्षामा लगानी गरी समाजमा परिवर्तन ल्याउने यो अभियानले चन्द्रनगरलाई बालविवाह मुक्त बनाउने मात्र होइन, मधेसमा पनि उदाहरणीय भूमिका खेल्ने विश्वास गरिएको छ । गाउँपालिकाले यस अभियानलाई दीर्घकालीन रूपमा निरन्तरता दिने प्रतिबद्धता जनाएको छ ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।