तराई टप संवाददाता
रौतहट, १४ मंसिर । हुकिंग गरेर विद्युत चोरी गर्ने ७ जनालाई प्रहरीले मंगलवार पक्राउ गरेको छ ।
विद्युत चुहावन नियन्त्रण टोली संगै खटिएको प्रहरीले रौतहटको कटहरिया नगरपालिका १ का राधेश्याम यादव, वडा नम्वर २ का राजु प्रसाद यादव, सरफलाल यादव, राजकिशोर साहलाई विद्युत हुकिंग गरेर घरमा प्रयोग गरिरहेको अवस्थामा पक्राउ गरेको हो । यस्तै कटहरिया वडा नम्वर ३ बडेरवाको नथुनी भांट, रामगुलाम पास्वान र देवाही गोनाही ४ का महेन्द्र बैठालाई पक्राउ गरिएको इप्रका गरुडाको डिएसपी श्रीराम भण्डारीले बताए ।
नेपाल विद्युत प्राधिकरण मौलापुर बितरण केन्द्रको चुहावट नियन्त्रण टोली, ईलाका प्रहरी कार्यालय गरुडा, सशस्त्र बेस क्याम्प देबाही र सशस्त्र बेस दुधियभारको संयुक्त टोलीले हुकिग गरी विद्युत चोरी गरिरहेको अवस्थामा उनीहरुलाइ पक्राउ गरिएको उनले भने । उनिहरुले प्रयोग गरेको २ थान मोटर र १ थान दुध क्यान बरामद गरेको प्रहरीले बताए ।
पक्राउ परेका सातैजना हाल ईलाका प्रहरी कार्यालय गरुडाको नियन्त्रणमा रहेको र नियमानुसार जरिवाना तिरे पछि छुट्ने विद्युत प्राधिकरण मौलापुरका प्रमुख सन्जिव कुमार दासले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन