भन्सारको नाममा सरकारले मधेसमा लुट मचाएको तथा सिम्रौनगढ संग सरकारले विभेद किनः प्रभु साह

0 Shares
बारा, १२ वैंशाख । आम जनता पार्टी (आजपा) का अध्यक्ष तथा पूर्वमन्त्री प्रभु साहले भन्सारको नाममा मधेसमा सरकारले लुटखसोट मचाएको गम्भीर आरोप लगाए ।
बाराको सिम्रौनगढमा शुक्रवार सिम्रौनगढ भन्सार नाकालाई सुचारु एवं स्तरबृद्धिका लागि आयोजित विशेष भेलालाई सम्बोधन गर्दै अध्यक्ष साहले दुनियामाथि शासन गरेको र ऐतिहासिक राजनीतिक विरासत भएको सिम्रौनगढ आज सरकारको विभेदका कारण ओझेलमा परेको गम्भीर आरोप लगाए ।
भन्सार कानूनमा रहेको ४५ प्रतिशत कमिशनको व्यवस्था रहदा सम्म मधेसमा भईरहेको सरकारी लुटपाट (छिनछोर) नरोकिने उनले बताए । प्रधानमन्त्री केपी शर्मा ओलीसंग अध्यक्ष साहले भन्सारको नाममा मधेसमा भईरहेको सरकारी लुट कहिले रोकिने भन्दै प्रश्न गरे ।
‘प्रधानमन्त्रीजी, भन्सारको नाममा भईरहेको सरकारी लुटपाट कहिले रोक्नुहुन्छ ? सम्पतीको हक संवैधानिक हक हो तर तपाईहरुले त यहाँ लुट मचाउनु भएको छ । यही देशमा हत्याराको सम्पती नखोस्ने, बलात्कारीको सम्पती नखोस्ने । तर भन्सार नबुझाएकै कारण कसैको बुवा, बाजेको सम्पती पनि खोस्ने यो कहाँको न्याय हो ?’ आजपा अध्यक्ष साहले प्रधानमन्त्री ओलीसंग गम्भीर प्रश्न गरे ।
देशमा लुट मचाएका लुटेराको सम्पती सरकारले नखोस्ने, आयकर, मुल्य अभिबृद्धि कर छल्ने, नबुझाउनेको सम्पती सरकारले नखोस्ने तर सीमामा बस्ने सोझासाझा नेपाली जनताको निजि सम्पती सरकारले लुटिरहेको उनले बताए ।
‘तपाई हेरिराख्नु भएको छ ठुलाबडाले सम्पती कर लुकाउछन् । आयकर बुझाउदैनन, मुल्य अभिबृद्धि कर समेत छली गर्छन । त्यहाँ सरकारले तिनिहरुको सम्पती जफत गर्दैन । तर दुई किलो नुन, एक बोरा खाद्य ल्याउनेहरुको साईकल, मोटरसाईकल समेत खोसिन्छ । यो अत्याचार होइन भने के हो ? सम्पतीको हक संवैधानिक हक हो । के यो मधेसमा लागु हुदैन् ?’ उनले सरकारसंग प्रश्न गरे ।
सरकारको विभेदकै कारण ऐतिहासिक सिम्रौनगढ आझेलमा परेको उनले बताए । ऐतिहासिक, धार्मिक, पर्यटकीय एवं सांस्कृतिक क्षेत्र सिम्रौनगढको विकासका लागि सरकारले काम नगरेको भन्दै उनले आक्रोश पोखेका छन् ।
‘तराईका सबै जिल्लाहरुमा भन्सार कार्यालय छ । तर बारा जिल्ला जहाँ सिम्रौनगढ जस्तो राजनीतिक बिरासत, औद्योगिक र व्यापारको प्रचुर सम्भावना छ त्यहाँ भन्सार कार्यालय छैन् । कुनै बेला दुनियामाथि शासन गरेको बारा जहाँ औद्योगिक हब छ, त्यहाँ एउटा पनि भन्सार नाका नहुनु दुर्भाग्यपूर्ण रहेको छ । म प्रधानमन्त्रीजीलाई सोध्न चाहन्छु तपाईले बारामा भन्सार कार्यालय कहिले खोल्ने हो ? सिम्रौनगढ संग विभेद किन गरेको ?’ हो ।
वर्तमान सरकारले मुलुकमा समृद्धि ल्याउछौ भन्दै जनतालाई भ्रमित बनाइरहेको टिप्पणी समेत उनले गरे । प्रधानमन्त्री ओली र एमालेले आफ्नै मतदातासंग न्याय नगरेको उनले बताए । एमालेलाई मतदान गर्नेहरु आज पछुतो मानिरहेको उनले बताए ।
‘तपाईहरु हेर्दै हुनुहुन्छ आज एमालेलाई मतदान गर्नेहरु पछुतो मानिरहेका छन् । मधेसको लाईफलाईन रहेको हुलाकी राजमार्ग ६ लेनको हुनुपर्ने हो । तर यो सरकारले बनाउदैन् । किन भने अहिलेको सरकारले समृद्ध मधेस बनेको हेर्नै चाहदैन्,’ आजपा अध्यक्ष साहले भने, ‘कलैयाको त्यो ३ किलोमिटर सडक कालोपत्रे गर्न नसक्ने सरकारले समृद्ध नेपाल बनाउँछौ भन्दा हामीले पच्याइदिनुपर्ने । मतदाताले त वडा सदस्य, मेयर, उपमेयर, बिधायक, सांसद सबै एमालेकै जिताए । संघीय सरकारमा प्रधानमन्त्री, भौतिक मन्त्री एमालेकै छ । प्रदेशमा पनि एमालेकै सरकार छ, पालिकामा पनि एमालेकै सरकार छ तर तीन किलोमिटर सडक कालोपत्रे गर्न नसक्ने सरकार भएर वा नभएर के हुन्छ ? उनीहरुलाई मतदान गर्नेहरु अहिले पछुताइरहेका छन् ।’
युवा नेता नविन साहको अध्यक्षतामा सम्पन्न भएको कार्यक्रममा आजपाका नेताहरु समिना हुसेन, अशोक लामा, उमेश कुशवाहा लगायतका नेता एवं उद्योग बाणिज्य संघको अध्यक्ष लालबाबू कुशवाहाको विशेष सहभागिता रहेको थियो ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।