तराई टप संवाददाता
रौतहट, २० मंसिर । स्वास्थ्य मन्त्रालयले नेपालमा पनि कोराना भाईरसको नयाँ भेरियन्ट ओमिक्रोन प्रवेश गरिसकेको पुष्टि गरेको छ ।
मन्त्रालयले सोमवार गरेको पत्रकार सम्मेलनमा सह प्रवक्ता समीर अधिकारीले एक जना विदेशी नागरिकको सम्पर्कमा आएको ७१ बषिय नेपाली नागरिकमा ओमिक्रोन संक्रमण भएको बताए । एक ६६ बर्षिय विदेशी नागरिक दक्षिण अफ्रिका हुँदै त्रिभुवन अन्तरराष्ट्रिय विमान स्थल हुँदै नेपाल प्रवेश गरे । विमानस्थलमा मंसिर ७ गते पिसिआर परिक्षण गरियो र उनले दुवै खोप लगाइको पनि पाइयो ।
विदेशी नागरिकको पिसिआर रिपोर्ट निगेटिभ आएको थियो । तर कोभिड १९ बाट मिल्दाजुल्दा लक्षणहरु देखिए पछि राष्ट्रिय जनस्वास्थ्य प्रयोगशाला टेकुमा जिन सिक्वेन्सिंग विधिबाट परिक्षण गर्दा मंसिर १९ गते ओमिक्रोन नेपालमा पहिलो पटक पुष्टि भएको उनले बताए ।
विदेशी नागरिक संगै नेपाली नागरिकलाई नेपाल सरकारले तोकेको मापदण्ड अनुसार आइसोलेसनमा राखिएको छ । हाल सम्म उनीहरुमा कुनै लक्षणहरु नदेखिएको र स्वास्थ्यकर्मीको निगरानीमा राखिएको जनाइएको छ । ति दुवै व्यक्तिको सम्पर्कमा आएका ६६ जनाको कन्ट्रयाक्ट ट्रेसिंग गर्दा सबैको नजिता निगेटिभ आएको र सबै स्वास्थ रहेको पाइएको छ । २४ नोभेम्बरमा दक्षिण अफ्रिकामा कोरोनाको नयाँ भेरियन्ट ओमिक्रोन पहिलो पटक पहिचान भएको थियो । यो भेरियन्ट ३६ राष्ट्र भन्दा बढी देशहरुममा फैलिसकेको छ ।
विश्व स्वास्थ्य संगठनले गरेको आकलन अनुसार दक्षिण पुर्वी एसियामा ओमिक्रोनको उच्च जोखिम रहेको चेतावनी दिएको छ । छिमेकी मुलुक भारत सहित दक्षिण एशियाका केही देशमा ओमिक्रोनको पुष्टि भईसकेको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन