वीरगञ्ज, २० जेठ । “मानव स्वास्थ्यमा साइकलिङ्ग गर्नुको फायदा एवं वातावरण संरक्षणमा महत्व” सम्बन्धी भारतीय महावाणिज्यदूतावास वीरगञ्जद्वारा रयालीको आयोजना गरियो ।
विश्व साइक्लिङ्ग दिवसको अवसरमा भारतीय महावाणिज्यदूतावासद्वारा मंगलवार “मानव स्वास्थ्यमा साइकलिङ्ग गर्नुको फायदा एवं वातावरण संरक्षणमा महत्व” सम्बन्धी आयोजित जनचेतनामुलक रयाली वाणिज्यदूतावास परिसरबाट सुरु भएको हो ।
उक्त जनचेतना मुलुक कार्यक्रममा महावाणिज्यदूत देवी सहाय मिणा, नागरिक समाजका प्रतिनिधि, अभियन्ताहरु, वीरगञ्ज साइक्लिङ्ग क्लव, बारा राइड एशोसिएसन, नेपाल इनोभेटिभ सोसाइटी र ग्रिन सिटी सामुदायिक सेवा केन्द्र, विद्यालयका शिक्षक तथा विद्यार्थीहरु, दूतावासका पदाधिकारीहरु लगायतका ७५ जना भन्दा बढिको सहभागीता रहेको वाणिज्यदूतावासद्वारा जारी प्रेस वक्तव्यमा उल्लेख गरिएको छ ।
महावाणिज्य दूतावास परिसरबाट सुरु भएको “मानव स्वास्थ्यमा साइकलिङ्ग गर्नुको फायदा एवं वातावरण संरक्षणमा महत्व” सम्बन्धी जनचेतनामूलक रयाली घण्टाघर, माइस्थान, आदर्शनगर, विर्तामाई, नारायणी अस्पताल, रजत जयन्ती चोक हुँदै प्रतिष्ठित शंकराचार्य गेट हुँदै नेपाल भारत सीमा क्षेत्रमा पुगेर पुनः सोही मार्ग भई वाणिज्यदूतावासमा फकिएर समापन भएका थिए ।
विश्व साइकल दिवस २०२५ को अवसरमा मानवलाई स्वस्थ रहन साइकलिङ्ग गर्न नितान्त आवश्यक रहेको तथा साइक्लिङ्गबाट वातावरण समेत स्वच्छ रहदा मानिसलाई साइकलिङ्गले धेरै फायदा पुर्याउने सन्देश प्रवाह गर्ने उद्देश्यबाट आजको रयालीको आयोजना गरिएको महावाणिज्य दूत मिणाले बताए ।
रयालीलाई महावाणिज्यदूत देवी सहाय मिणाले हरियो झण्डा देखाएर औपचारिक रुपमा सुरुआत गरिएको दूतावासद्वारा जारी विज्ञप्तीमा उल्लेख गरिएको छ ।
भारतीय महावाणिज्य दूतावास वीरगञ्जद्वारा वीरगञ्ज साइकलिङ्ग क्लव, बारा राइडर्स एसोसिएसन, जितपुरसिमरा बारा, नेपाल इनोभेटिभ सोसाइटी, वीरगञ्ज र ग्रीन सिटी सामुदायिक सेवा केन्द्र सहितका पदाधिकारीहरुको उपस्थितिमा रयाली निस्किएको थियो ।
रयालीको केही तस्वीरहरु