रौतहट १४ असार । रौतहट उद्योग वाणिज्य संघको साधारण सभा अहिले फलामको च्यूरा चपाउनु जस्तो भएको छ ।
अध्यक्ष र महासचिवको बर्चस्वको लडाईका कारण सिंग रौतहटको व्यापारीहरुको साझा संस्था राजनीतिक ध्रुविकरणमा परिणत हुँदै गएका कारण एकमत हुन नकसको कारण विवाद सृजना भएको हो ।
महासचिव रवीन्द्र नाथ गोपालीद्वारा आज शनिवार आह्वान गरिएको साधारण सभामा उद्योग वाणिज्य संघको गौर स्थित कार्यालयमा सम्पन्न भएको दाबी गरिएको छ ।
अर्का तर्फ संघका अध्यक्ष पंडित प्रसाद जयसवालले शनिवार दिउसो संघकै लेटरप्याडमा प्रेस विज्ञप्ती जारी गर्दै समाजिक संजालको माध्यमबाट साधारण सभाको वारेमा गम्भीर ध्यानाकर्षण भएको छ ।
गएको असार ९ गते प्रमुख जिल्ला अधिकारीको पहलमा भएको सहमतीको अवहेलना गर्दै र सम्मानित उच्च अदालतबाट जिल्ला प्रशासन कार्यालय रौतहटको नाउँमा भएको परमादेश आदेश भएकामा हाल कुनै छलफल नगरी महासचिव रविन्द्रनाथ गोपालीले बलजफती व्यापारीहरुद्वारा लगाइएको ताल्चा तोडि गरिएको साधारण सभाको कुनै औचित्य नरहेको आम व्यापारीमा जानकारी विज्ञप्ती मार्फत गराएका छन् ।
संघका अध्यक्ष जयसवालद्वारा हस्ताक्षरित विज्ञप्तीमा अध्यक्ष, प्रथम उपाध्यक्ष, कोषाध्यक्ष, र कार्य समितिको बहुमत सदस्यहरुको अनुपस्थित रहेको तथा संस्था नविकरण भएको संस्थाको आय व्ययको हिसाव पनि नभएको अवस्थामा साधारण सभाको के कतिको औचित्य हुन्छ आम व्यापारीहरु सहजै बुझिरहेको छ । त्यसै हुनाले आजको साधारण सभाको समाजिक संजालमा भएको प्रशारण वारे भ्रममा नपर्न समस्त व्यापारी वर्गलाई यसै विज्ञप्ती मार्फत सुचित गराइन्छ ।
एका तर्फ अध्यक्ष जयसवालको यसप्रकारको प्रेस वक्तव्य आउँछ अर्को तर्फ महासचिव रबिन्द्रनाथ गोपालीले साधारण सभा गर्नुको कति औचित्व भएको वारे सम्बध निकायले विश्लेशन गर्नु जरुरी देखिन्छ । आखिरकार व्यापारीहरुको स्वच्छ संस्थामा राजनीतिक घुसपैठ तथा अध्यक्ष बन्ने महात्वाकाँक्षीका कारण रौतहटको उद्योग वाणिज्य संघ जुंगाको लडाईका कारण भाडभैंलो हुने अवस्थामा पुगेको हुँदा दुबै पक्ष संयमित भई शान्तिपूर्ण ढंगबाट सार्वजनिक संस्थालाई आपसी स्वार्थमा नबझाई समाधानको प्रयास खोज्नु नितान्त आवश्यक रहेको समस्त व्यापारी वर्गहरुको चाहना रहेका छन् ।