तराई टप
सर्लाही, २८ मंसिर । प्रदेश २ को मुख्यमन्त्री लालबाबु राउतले संघियता समाप्त पर्ने मनसायबाट ओतप्रोत भएका षड्यन्त्रकारीहरुलाई नाँगो झार बनाउनु जरुरी भएको बताए ।
सर्लाहीको बरहथवा नगरपालिका १७ श्रीपुरमा नवनिर्मित वडा कार्यालय भवनका प्रदेश २ को मुख्यमन्त्री राउतले उदघाटन गर्दै उक्त कुरा बताउनु भएको हो ।
मुख्यमन्त्री राउतले संघिय गणतन्त्रको ढाँचालाई समाप्त पार्ने मनसाय बोकेकाहरुले सङ्घीयताको पहरेदार बनिरहेको प्रदेश सरकार विरुद्ध अनेक षड्यन्त्र जालझेल गरेर बदनाम गरिरहेको आरोप लगाए ।
प्रदेश सरकारको अधिकार कुण्ठित हुन नदिन संघिय सरकार सँग निरन्तर प्रदेशको हक अधिकारको लागि संघर्ष गरिरहेको बताए । कोरोनाको कारण अवरुद्ध भएको छोरी शिक्षा बीमा कार्यक्रम पुन ः चाँडै सूचारु गर्ने प्रतिवद्धता व्यक्त गरे ।
बरहथवा नगरपालिका वडा नं. १७ का वडाध्यक्ष रामविश्वास रायको अध्यक्षतामा आयोजित वडा कार्यालय भवन उद्घाटन कार्यक्रममा प्रदेशसभा सदस्यद्धय अशोक यादव र सञ्जय कुमार यादव, बरहथवा नगरपालिकाका प्रमुख देवानन्द महतो लगायतको उपस्थिति रहेका थिए ।
बरहथवा नगरपालिकाको ४० लाख र वडाको ६ लाख गरी कूल ४६ लाखको लागतमा श्रीपुर नयाँटोलको कटानी बजारमा एक तले वडा कार्यालय भवन निर्माण गरिएको भवनको सोमबार मुख्यमन्त्री राउतले उद्घाटन गरेका थिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन