तराई टप
नयाँदिल्ली, २ पुस । नेपाल भारत मित्रता सम्बन्ध अन्तर्गत दिल्ली–काठमाडौं बस सेवा गत बुधबार देखि पुन ः सञ्चालनमा आएको छ ।
दिल्ली सरकारको सरकारी बस सेवा प्रदायक कम्पनी (डीटीसी) ले बुधबारबाट सेवा पुन ः सुरु गरेको हो । कोभिड–१९ का कारण २३ मार्च २०२० देखि दुबै देश विच बस सेवा बन्द भएको थियो ।
दिल्ली–काठमाडौं मैत्री बस सेवा सन् २०१४ को नोभेम्बर २५ बाट सुरु भएका थिए । कोभिडका कारण बन्द रहेको बस सेवा पुनः सञ्चालनमा आएपछि सतह मार्गबाट आवतजावत गर्ने उपभोक्ताहरुलाई राहत पुगेको छ । दिल्लीको अम्बेडकर स्टेडियम बस टर्मिनलबाट बुधबार बिहान ११ बजे डीटीसीको बस काठमाडौंका लागि छुटेका थिए ।
नेपाल र भारत दुवै सरकारको संयुक्त पहलमा दिल्ली–काठमाडौं–दिल्ली बस सेवा सञ्चालन गरिएको हो । नेपालका तर्फबाट मञ्जुश्री यातायातले तीन दिन तथा भारतका तर्फबाट दिल्ली सरकारको डीटीसीले तीन दिन बस चलाउने गरेको छ । आइतबार बाहेक साताका सबै दिन दुवै तिरबाट बस खुल्ने गरेको मञ्जुश्री यातायातका दिल्ली म्यानेजर राम पौडेलले बताए ।
भारत सरकारका तर्फबाट बुधबारबाट मात्रै बस सञ्चालनमा ल्याइए पनि मञ्जुश्री यातायातले भने एक महिना अगाडिबाटै बस सञ्चालनमा ल्याइसकेको थियो । मञ्जुश्रीले सातामा तीन दिन चलाइरहेको थियो । अब डीटीसीले बाँकी तीन दिन चलाउने भएको छ । डीटीसीले दिल्लीबाट सोमबार, बुधबार र शुक्रबार तथा काठमाडौंबाट मंगलबार, बिहीबार र शनिबार बस चलाउने छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन