रौतहट, २३ कार्तिक । रौतहट सदरमुकाम गौर नगरको मध्य भागमा अवस्थित जिल्ला कारागारमा क्षमता भन्दा तीन गुना बढी कैदी बन्दी हुँदा निकै समस्या भइरहेको बताइएको छ ।
विक्रम सम्बत १९८९ सालमा राणाकालिन समयमा निर्माण भएको गौर कारागारमा कैदी बन्दी राखिने क्षति १२० जनाको मात्रै छ तर अहिले गौर कारागारमा ३६० बन्दी रहदा तिन गुना बढी बन्दीहरु राख्नु पर्दा समस्या उत्पन्न हुनु स्वभाविकै हो ।
क्षमताभन्दा तेब्बर कैदी बन्दी भएकाले आवास, विद्युत्, खानेपानी, स्वास्थ्योपचार लगायतको व्यवस्थापनमा समस्या हुने गरेको गौर कारागारका जेलर शम्भुप्रसाद यादवले बताए । धेरै पुरा तथा जिर्ण भईसकेका भवन कुनैपनि बेला भत्किने डरबाट आफूहरू रातभरी सुत्न नसकेको भन्दै जेल प्रशासनलाई कैदीबन्दीले गुनासो गर्दै आएको उनले भने ।
क्षमताभन्दा बढी कैदी बन्दीहरु राखिएको हुँदा कुनैपनि वेला जिर्ण भवन भत्किएर ठूलो जनधनको क्षति हुने त्रासपूर्ण वातावरणमा जीवन काटिरहेको गुनासो गर्दै कैदीबन्दीहरु सरकारको ध्यानाकर्षण समेत गराएका छन् । गर्मीको बेला खादिएर सुत्न नसक्ने कैदीहरु वर्षा लागेपछि पानीमा रुझ्दै बस्न बाध्य हुन्छन् । हिउँदमा चिसोले कठ्याङ्ग्रिनु पर्ने अवस्था रहेको उनीहरुको गुनासो छ ।
पुरानो भवन र क्षमताभन्दा बढी कैदीबन्दी हुँदा व्यवस्थापन गर्न समेत कारागार प्रशासनलाई समस्या भइरहेको जेलर यादवले बताए । कारागार प्रशासनले कारागार विभागलाई पटक पटक यहाँको समस्याबारे जानकारी गराउँदै आए पनि सुनवाइ नभएको यादवले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन