तराई टप संवाददाता
रौतहट, ८ पुस । देशभरीका किसानहरुलाई रासायनिक मलको हहाकार मचेको अवस्थामा सरकारको जिम्मेवारी लिएर कुर्सीमा बसेका कृषि तथा पशुपंक्षी विकास मन्त्री महेन्द्रराय यादवले रासायनिक मल उपलब्ध गराउन नसकिने बताएपछि किसानहरु झन निराश बनेको छ ।
कृषि तथा पशुपंक्षी विकासमन्त्री यादवले रासयनिक मलको विकल्पमा प्राङगारिक मल प्रयोग गर्न किसानहरुलाई सुझाव दिनु कतिको सान्दर्भीक एवं जनता प्रतिको कतिको उत्तरदायी राज्य रहको यसैबाट थाहा हुन्छ । किसानहरु रासायनिक मलको लागि यत्रत्रत भौतारिरहेको वेलामा एउटा जिम्मेवार मन्त्रीको यस्तो अभिव्यक्ति आउनु दुर्भाग्यपूर्ण रहेको पिडितहरुले बताए ।
मन्त्री यादवले रासायनिक मलको अभाव तत्काल समाधान गर्न सम्भव नरहेकोमा प्राङगारिक मल प्रयोग गर्न किसानलाई सुझाव दिए । रासायनिक मलको अभाव कम गर्न जिटूजी माध्यम उपयुक्त भएपनि धेरै देशलाई पत्राचार गर्दा समेत अहिले कोही रासायनिक मल उपलब्ध गराउन तयार नरहेको उहाँको भनाइ छ । यादवले अन्तर्राष्ट्रिय बजारमा पनि मलखाद्यको अभाव रहेकाले किसानको मागअनुसार पुरा गर्न नसकेको गैर जिम्मेवारी पूर्ण अभिव्यत्ति दिए ।
यादवले पछिल्लो समय नेपालमा पशुसेवा र कृषिमा नागरिकहरुको आकर्षण बढिरहेको भन्दै कृषिलाई आत्मनिर्भर बनाउनु पर्नेमा जोड दिए । कृषिलाई आत्मनिर्भर बनाउन सरकारले २० वर्षे नीति लिएको भन्दै उहाँले निजी, सहकारी र सरकारी क्षेत्रलाई व्यवस्थित बनाएर अघि बढे सफल हुने दाबी गरे ।
यादवले पशु चिकित्सकहरुले सरकारबाट पाउनुपर्ने कानुनी सुविधा उपलब्ध गराउन मन्त्रालयले पहल गर्ने भन्दै कृषि सम्बन्धी औषधिहरु उत्पादन गर्न प्रविधिक जनशक्ति खटाउने सोचमा सरकार रहेको जानकारी दिए ।
यादव तराई मधेशको जिल्लाबाट प्रतिनिधित्व गरेर वर्तमान संघिय सरकारमा कृषि तथा पशुपंक्षी विकास मन्त्री बनेको छ । तराई मधेशको जिल्लाहरुमा हिउद याममा गहुँ बाली, तरकारी खेती गर्ने गरिन्छ, उक्त खेतीपाती गर्न रासायनिक मल, डिएपी र युरिया आवश्यक पर्दछ तर समयमा उनीहरुलाई उपलब्ध गराउनुपर्ने मा गैर जिम्मेवारी अभिव्यक्ति दिएर प्राङगारिक मलको प्रयोग गर्न सुझाव दिदा अलिकति पनि सोचन शक्ति नरहेको किसानहरुले गम्भीर आरोप लगाए ।
गहुँको विउहरु उम्रिन थालिसकेको त्यसमा युरिया मलको छर्नुृपर्ने देखिन्छ तर मन्त्री जस्तो जिम्मेवार व्यक्तिले प्राङगारिक मलको प्रयोग गर्न सुझाव दिनु निकै दुखद रहेको तिनीहरुको भनाई छ । किसानहरुको समस्या समाधान गर्न नसकिने मन्त्री यादवलाई अलिकति पनि कुर्सीमा बस्ने कुनै अधिकार नरहेको हुँदा तत्काल राजिनामा दिनुपर्ने जस्ता आवाज किसानहरुले अघि सारेको छ ।
चिनियाँ प्रतिबन्धको मार झेल्दै नेपाली किसानहरु

नेपाली किसानहरु हरेक वर्ष विउ सहित रासायनिक मलको समस्या झेल्ने गरेका छन् । नेपालमा एमसिसि पारित हुन्छ भनेर चीनले नेपालमा लेनमा ढल ढुवानीमा प्रतिबन्ध लगाए पछि यस प्रकारको समस्या उत्पन्न भएको छ ।
चीनले आपूर्तिमा लगाएको प्रतिबन्धका कारण नेपालका किसानहरु समस्यामा परेका हुन् । परराष्ट्र मन्त्रालयले पनि चिनियाँ दूतावासलाई खबर गरेको भए पनि कुनै जवाफ नआएको जनाएको छ । चीनले उत्तरी सीमा नाका क्षेत्रमा अघोषित नाकाबन्दीका कारण नेपाली व्यापारीहरुको करोडौंको सामना अलपत्र परेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन