भारत–ईयूबीच एतिहासिक घोषणा, दुई अर्ब जनसंख्या लाभान्वित हुने सम्झौता भएको भारतको दाबी

0 Shares
नयाँ दिल्ली, १३ माघ । भारत र युरोपेली संघ (ईयू) बीच बहुप्रतीक्षित स्वतन्त्र व्यापार सम्झौता (एफटीए) अन्ततः निष्कर्षमा पुगेको छ ।
युरोपेली आयोगकी अध्यक्ष उर्सुला भोन डर लेयनले यसलाई “सबै व्यापार सम्झौताहरूको आमा” को संज्ञा दिँदै ऐतिहासिक उपलब्धि भएको बताएकी हुन् ।
मंगलबार नयाँ दिल्लीमा सम्पन्न भारत–ईयू शिखर सम्मेलनपछि भोन डर लेयनले प्रधानमन्त्री नरेन्द्र मोदी तथा ईयूका शीर्ष नेतृत्वसँग मिलेर भूराजनीतिक अशान्ति र व्यापार अवरोधहरूलाई संयुक्त रूपमा सामना गर्ने सहमतिमा पुगेको जानकारी दिइन् ।
शिखर सम्मेलनमा प्रधानमन्त्री मोदीले युरोपेली आयोगकी अध्यक्ष भोन डर लेयन र युरोपेली परिषद्का अध्यक्ष एन्टोनियो कोस्टालाई स्वागत गरेका थिए ।
“आज भारत र युरोपले इतिहास रचेका छन् । हामीले दुई अर्ब मानिसलाई समेट्ने स्वतन्त्र व्यापार क्षेत्र निर्माण गर्ने सम्झौतामा निष्कर्ष निकालेका छौं, जसले दुवै पक्षलाई दीर्घकालीन लाभ पुर्याउनेछ,” भोन डर लेयनले भनिन् । उनले यसलाई केवल सुरुवात मात्र भएको उल्लेख गर्दै रणनीतिक साझेदारी अझ सुदृढ बनाइने प्रतिबद्धता व्यक्त गरिन् ।
यसअघि सोमबार, भोन डर लेयन र कोस्टा भारतको ७७ औँ गणतन्त्र दिवस समारोहमा प्रमुख अतिथिका रूपमा सहभागी भएका थिए ।
लामो समयदेखि प्रतिक्षा गरिएको यो स्वतन्त्र व्यापार सम्झौताले भारत–ईयू सम्बन्धलाई नयाँ उचाइमा पुर्याउने अपेक्षा गरिएको छ । यस सम्झौताबाट व्यापार, लगानी, प्रविधि, जलवायु, रक्षा तथा सुरक्षा क्षेत्रमा सहकार्यका नयाँ ढोका खुल्ने विश्वास गरिएको छ । शिखर सम्मेलनपछि दुवै पक्षले एफटीए वार्ता निष्कर्षको औपचारिक घोषणा गर्दै आवश्यक कागजातमा हस्ताक्षर गर्ने तयारी गरेका छन् । यद्यपि कानुनी स्क्रबिङ प्रक्रिया पूरा गर्न औपचारिक हस्ताक्षरमा कम्तीमा ६ महिना लाग्ने जनाइएको छ ।
भारत र ईयूबीच पहिलो पटक सन् २००७ मा एफटीए वार्ता सुरु भएको थियो । तर सन् २०१३ मा महत्वाकांक्षाको अन्तरका कारण वार्ता रोकिएको थियो । पुनः सन् २०२२ मा वार्ता सुरु भएपछि अहिले निर्णायक निष्कर्षमा पुगेको हो ।
ईयू भारतको सबैभन्दा ठूलो व्यापारिक साझेदारमध्ये एक हो । आर्थिक वर्ष २०२४÷२५ मा भारत–ईयूबीच कुल वस्तु व्यापार १३६ अर्ब अमेरिकी डलर पुगेको छ, जसमा ७६ अर्ब डलरको निर्यात र ६० अर्ब डलरको आयात समावेश छ ।
शिखर सम्मेलनको मुख्य एजेन्डामा व्यापारसँगै रक्षा तथा सुरक्षा, जलवायु परिवर्तन, महत्वपूर्ण प्रविधि र नियममा आधारित विश्वव्यापी व्यवस्थालाई सुदृढ बनाउने विषय रहेका थिए । एफटीएसँगै दुवै पक्षले रक्षा ढाँचा सम्झौता र रणनीतिक एजेन्डा पनि सार्वजनिक गर्ने तयारी गरेका छन् ।
भारत र ईयू सन् २००४ देखि रणनीतिक साझेदार रहँदै आएका छन् । प्रस्तावित सुरक्षा तथा रक्षा साझेदारी सम्झौताले दुवै पक्षबीच गहिरो रक्षा सहकार्य र अन्तरसञ्चालनशीलता बढाउने अपेक्षा गरिएको छ । यसले भारतीय कम्पनीहरूलाई ईयूको १५० अर्ब युरो बराबरको रक्षा वित्तीय कार्यक्रममा सहभागी हुन मार्ग प्रशस्त गर्नेछ ।
यसका साथै, भारत र ईयूले सूचना सुरक्षा सम्झौता, औद्योगिक रक्षा सहकार्य तथा भारतीय कामदारहरूको युरोपमा आवतजावत सहज बनाउने गतिशीलता सम्झौतामा पनि वार्ता अघि बढाउने तयारी गरेका छन् । फ्रान्स, जर्मनी र इटाली भारतसँग आप्रवासन तथा गतिशीलता साझेदारी गर्ने प्रमुख युरोपेली मुलुकहरूमा पर्छन् ।
श्रोतः पीटीआई

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।