एक महिनामा ७७ मुद्दा दर्ता, ४१ फरार पक्राउ, ६२ लाखभन्दा बढी अवैध सामान बरामद गर्यो रौतहट प्रहरी

0 Shares
रौतहट, ४ फागुन । जिल्ला प्रहरी कार्यालय रौतहटले गत माघ महिनामा सम्पादन गरेका गतिविधिहरूको समग्र विवरण सार्वजनिक गर्दै अपराध नियन्त्रण, राजस्व संकलन र समुदाय–प्रहरी सहकार्यमा उल्लेखनीय प्रगति गरेको जनाएको छ ।
७७ आपराधिक मुद्दा दर्ता, ४१ फरार पक्राउ
जिल्ला प्रहरी कार्यालयद्वारा जारी गरिएको प्रेस विज्ञप्तिमा माघ महिनाभरीमा ७७ वटा विभिन्न प्रकृतिका मुद्दा दर्ता भएको छ । तीमध्ये ज्यानसम्बन्धी ७, आत्महत्या ८, चोरी २ तथा सामाजिक अपराधका २३ मुद्दा भएको हो । बैंकिङ कसुरका १७ मुद्दा दर्ता हुनु आर्थिक अपराधको चुनौती बढ्दो रहेको संकेतका रूपमा विश्लेषण गरिएको छ ।
चालु आर्थिक बर्षमा २८४ वटा साधारण उजुरी दर्ता भएकामा १७३ फछ्र्यौट भइसकेका छन् भने १११ उजुरी माथि कारबाही प्रक्रिया जारी रहेको छ । विभिन्न मुद्दामा संलग्न ४१ जना फरार प्रतिवादी पक्राउ गरिएको जिल्ला प्रहरी कार्यालय रौतहटका प्रवक्ता एवं डिएसपी विष्णुप्रदीप वस्यालले जानकारी दिए ।
लागूऔषध र भन्सार छली नियन्त्रणमा सक्रियता
लागुऔषध सम्बन्धी कारबाहीमा एक जनालाई पक्राउ गरिएको तथा उनको साथबाट पाँच–पाँच सय पिस डाइजेपाम, फेनारगन र नुरफिन बरामद गरिएको जनाइएको छ ।
सीमावर्ती जिल्लाका रूपमा रौतहटमा अवैध भन्सार छली नियन्त्रणमा विशेष निगरानी गरिएको प्रहरीले जनाएको छ । माघ महिनामा ६२ लाख ८९ हजार ९३० रुपैयाँ बराबरका अवैध सामान तथा पाँच वटा सवारी साधन बरामद गरिएको डिएसपी वस्यालले बताए । राजस्व छलीतर्फ ६४ हजार ६५० रुपैयाँ बराबरका सामग्री नियन्त्रणमा लिइएको छ भने प्राकृतिक स्रोत दोहनमा संलग्न दुई सवारी साधनलाई कारबाही गर्दै ६ हजार रुपैयाँ जरिवाना गरियो ।
९२ सवारी दुर्घटना, ५ जनाको ज्यान गयो
माघमा जिल्लाभरीमा ९२ वटा सवारी दुर्घटना भए । दुर्घटनामा परेर पाँच जनाको मृत्यु भएको छ भने १२९ जना घाइते भएका छन् । ट्राफिक नियम उल्लंघन गर्ने ७४५ सवारी साधनलाई कारबाही गरी ७ लाख ८२ हजार ५०० रुपैयाँ राजस्व संकलन गरिएको जिल्ला ट्राफिक प्रहरी प्रमुख इन्स्पेक्टर राजेन्द्र थापा मगरले बताए । दुर्घटनाको प्रमुख कारण चालकको लापरबाही रहेको प्रहरीको निष्कर्ष छ ।
समुदाय–प्रहरी साझेदारी र सचेतना
अपराध न्यूनीकरणका लागि समुदाय–प्रहरी साझेदारी कार्यक्रम अन्तर्गत लागूऔषध, आत्महत्या तथा महिला हिंसाविरुद्ध ५६ वटा सचेतनामूलक कार्यक्रम सञ्चालन गरिएको छ । १२३ जना प्रहरी परिचालन मार्फत १,२०८ जना लाभान्वित भएका छन् ।
विद्यालय केन्द्रित १५ कार्यक्रम मार्फत आत्महत्या, साइबर अपराध र लैङ्गिक हिंसाविरुद्ध ६५७ विद्यार्थीलाई प्रशिक्षण दिइएको छ ।
झडप नियन्त्रणदेखि डिजिटल सेवा विस्तारसम्म
सरस्वती पूजाको मूर्ति विसर्जनका क्रममा परोहा नगरपालिका–९ रामपुरखापमा उत्पन्न झडप नियन्त्रणका लागि २८३ जना प्रहरी परिचालन गरिएको थियो । स्थिति नियन्त्रणमा लिन ६८ राउन्ड ग्यास सेल प्रयोग गरिएको विज्ञप्तिमा उल्लेख छ । साथै ११ वटा राजनीतिक कार्यक्रमको सुरक्षा व्यवस्थापन सफलतापूर्वक गरिएको छ ।
सेवाग्राहीको गुनासो सुन्न क्युआर कोड प्रणाली लागु गरिएको छ भने हराएका दुई मोबाइल फेला पारी सम्बन्धित धनीलाई बुझाइयो । कर्मचारीको मनोबल अभिवृद्धिका लागि “प्रहरी अफ द मन्थ” कार्यक्रमलाई निरन्तरता दिइएको प्रहरीले जनाए ।
“प्रो–एक्टिभ पोलिसिङ र सिमानामा २४ सै घण्टा गस्ती परिचालन मार्फत जिल्लाको शान्ति सुरक्षा मजबुत बनाएका छौँ,” प्रवक्ता बस्यालले बताए ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।