रौतहटमा दलित समुदायमाथि सामुहिक आक्रमण, २ महिला सहित ६ जना घाइतेः प्रहरीको भूमिकामाथि गम्भीर प्रश्न

0 Shares
एसके मिश्रा
रौतहट, २६ फागुन । रौतहट जिल्लाको फतुवा विजयपुर नगरपालिका–५ सन्तपुरस्थित दलित (चमार) टोलमा दुई महिला सहित ६ जनामाथि सामूहिक आक्रमण भएको घटना सार्वजनिक भएका छन् ।
उक्त आक्रमणमा परेर २ महिला सहित ६ जना दलित समुदायका मानिसहरु घाइते भएको छ भने उक्तघटनालाई ढाकछोप गर्नमा स्थानीय प्रहरीको भूमिका माथि गम्भीर प्रश्न उठेका हुन् ।
उक्त घटनाको सत्यतथ्य छानबिन गरी दोषीलाई कारबाही गर्नुको सट्टा प्रहरीले उल्टै पीडितलाई नै पक्राउ गरेर अन्याय गरेको आरोप लगाए । इलाका प्रहरी कार्यालय विजयपुर लक्ष्मिनियाका प्रमुख इन्स्पेक्टर सुरेन्द्र यादवको कार्यशैली प्रति स्थानीयले तीव्र असन्तुष्टि पोखेका छन् ।
यो घटना फागुन १९ गते होली पर्वको पूर्वसन्ध्या तथा प्रतिनिधिसभा निर्वाचन हुनुभन्दा दुई दिनअघि भएको बताइएको छ । घटनाको एक साता वितिसक्दा पनि प्रहरीले कुनै ठोस कारबाही नगरेपछि पीडित पक्षले पत्रकार सम्मेलन गरेर घटनालाई सार्वजनिक गरेका हुन् ।
पत्रकार सम्मेलनमा पीडित बिर्जा राम चमारले सामान्य विवादपछि स्थानीय भुनेश्वर यादव, पसिन्द्र यादव, नितेश यादव, जगु यादव (नगेन्द्र यादव), सुखारी यादव, गिरधारी यादव, नबिन कुमार यादव र जयप्रकाश यादव सहितको समूहद्वारा लाठी–भाटा लिएर साँझ करिब ६ बजे घरमै प्रवेश गरी कुटपिट गरेको आरोप लगाए ।
उनका अनुसार यादव समूहले घरभित्र पसेर श्रीमती र छोरी सहित ६ जनालाई मरणासन्न हुने गरी कुटपिट गर्नुका साथै घरका सामान तोडफोड गरेको र घरमा रहेका दुईवटा मोबाइल समेत फोडिदिएको छ ।
कुटपिटबाट ५५ वर्षीय बिर्जा राम चमारको ढाड र घाँटीमा चोट लागेको छ भने उनकी श्रीमती ५० वर्षीया गायत्री देवी रामको शरीरभरी निलडाम देखिएको पत्रकार सम्मेलनमै देखाइयो ।
त्यस्तै उनका छोरा राजकुमार रामको टाउकोमा तीन टाँका लागेको छ भने सुब्बा रामकी १६ वर्षीया छोरीको टाउको फुटेर ७ टाँका लागेको पीडित पक्षले जनाए । ललन राम चमारको अनुहार तथा शरीरभरी निलडाम देखिएको छ भने नरेश राम चमारको टाउको, आँखा तथा शरीरका विभिन्न भागमा चोट लागेको बताए ।
पीडित परिवारले घटनाको सुरुआत फागुन १९ गते साँझ करिब ५ बजे दुई पक्षबीच सामान्य भनाभनबाट भएको थियो । सो क्रममा विपक्षी समूहले बिर्जा रामका छोरा राजकुमार रामलाई घरभन्दा केही पर कुटपिट गरेका थिए । प्रतिवाद गर्दा विपक्षी पक्षका एकजनाको टाउको सामान्य रूपमा फुटेको बताइएको छ । त्यसको करिब एक घण्टापछि विपक्षीहरू लाठी–भाटा लिएर घरमै प्रवेश गरी सामूहिक आक्रमण गरेको पीडितले बताए ।
घटनापछि इलाका प्रहरी कार्यालय सन्तपुरबाट आएको प्रहरी टोलीले आक्रमणकारीलाई पक्राउ गर्नुको सट्टा बिर्जा राम र उनका छोरालाई नै पक्राउ गरी हथकडी लगाएर लगे । उनीहरूलाई थुनामा राखेर कुटपिटसमेत गर्दै इलाका प्रहरी कार्यालय विजयपुर पठाइएको पीडित पक्षको दाबी छ ।
स्थानीय समाजसेवी विजय यादवका अनुसार पीडितलाई नै पक्राउ गरिएको थाहा पाएपछि उनले प्रहरी निरीक्षक सुरेन्द्र यादवलाई फोन गरेर छाड्न आग्रह समेत गरे ।
“तर उहाँले कुरा नसुनेपछि मैले रौतहटका प्रहरी प्रमुख एसपीलाई फोन गरे, त्यसपछि मात्रै बिर्जा राम र उनका छोरालाई छाडिएको हो,” उनले बताए ।
पीडितका अनुसार घटनाको एक सातासम्म पनि जाहेरी दर्ता गरिएको छैन । आइतबार र सोमबार इलाका प्रहरी कार्यालय विजयपुर पुगेर जाहेरी दर्ता गर्न आग्रह गर्दा इन्स्पेक्टर यादवले वास्ता नगरेको र उल्टै थर्काउने गरेको आरोप लगाए ।
पत्रकार सम्मेलनमा पीडित बिर्जा राम चमारले आँसु झार्दै आफूहरू माथि चरम यातना दिनेहरुलाई कारवाही गरी आफूलाई न्याय दिलाइदिन आग्रह गरे ।
यता इन्स्पेक्टर यादवले भने विपक्षी पक्षका एकजनाको टाउको फुटेको र निर्वाचनको संवेदनशीलता भएकाले उनीहरूलाई पक्राउ गरिएको बताए । पछि बिर्जाको परिवारका सदस्यहरू पनि घाइते भएको जानकारी पाएपछि सोही रात जिम्मा–जमानिमा बाबु–छोरालाई छाडिएको छ ।
निर्वाचनका कारण कारबाही प्रक्रियामा केही ढिलाइ भएको स्वीकार गर्दै घटनाबारे छानबिन गरी दोषीलाई कानुनी दायरामा ल्याउने प्रतिबद्धता जनाए ।
उता जिल्ला प्रहरी कार्यालय रौतहटका एसपी सिताराम रिजालले घटनाबारे निष्पक्ष छानबिन गरी दोषीमाथि कारबाही गर्न निर्देशन दिएको बताए ।
“पीडितले न्याय पाउनेछन् र दोषीलाई कारबाही हुनेछ,” उनले बताए । यसैबीच स्थानीयले इन्स्पेक्टर यादव इलाका प्रहरी कार्यालय विजयपुरको प्रमुख भएर आएपछि क्षेत्रमा अराजकता बढेको गुनासो गरे । केही समयअघि उनको मिलेमतोमा लाखौं रुपैयाँको कौडा जुवा खेलाइएको आरोप समेत लागेको छ ।
स्थानीयका अनुसार उनको कार्यकालमा साना घटनालाई ठूलो बनाउँदै आर्थिक चलखेल हुने गरेको र विभिन्न राजनीतिक प्रभावका कारण दलित परिवारसहित दर्जनौ पीडित न्यायबाट वञ्चित हुँदै आएको गुनासो बढ्दै गएको छ ।
दलित परिवार माथि आक्रमण पछि घाइते अवस्थामा रहेकाहरु अस्पतालमा उपचार गराउदै ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।