रौतहट, ९ मंसिर । महोत्तरीको बर्दिवासको शुभम बस्तीको ६ बर्षिय नबालिकालाई बलात्कार पछि हत्या गरेको विरोधमा आक्रोशित स्थानीय बासिन्दाहरु आरोपितको घरमा आगजनी गरेपछि प्रहरीले गोली चलाएको छ ।
बर्दिबास नगरपालिका १४ शुभम् बस्तीका सहिद आलमको ६ वर्षीया नबालिका छोरी गुलाब साह खातुनलाई बलात्कार पश्चात हत्या गरी बोरामा शव राखेर घर नजिकै फालिएको अवस्थामा सोमवार मध्य राति शव बरामद भएका थिए । नबालिका खातुनलाई गौशाला नगरपालिका ५ का २५ बर्षिय अरुणकुमार साहले बलात्कार गरी हत्या गरेर फालेको आरोप स्वीकार गरको र उनी हाल प्रहरी नियन्त्रणमा रहेको बताइएको हो ।
मंगलवार विहानै देखि आरोपित साहको बर्दिवास नगरपालिका १४ स्थित घरमा आक्रोशित स्थानीयवासीले तोडफोड गर्दै आगजनी गरेका छन् । आगो निभाउन दमकल आए पनि स्थानीयले बाटो अवरुद्ध गरेका कारण दमकल आगलागी भएको स्थानसम्म पुग्न सकेनन् । घटनास्थलमा प्रहरी र सशस्त्र प्रहरी परिचालन गरेर स्थानीयद्धारा अवरुद्ध गरिएको बाटो खुलाउन निकै प्रयास गर्दा पनि प्रदर्शनकारी पछि नहटेको र प्रहरी माथि नै ढुंगामुढा गरेपछि बाध्य भएर गोली चलाउनु परेको प्रदेश प्रहरी कार्यालय जनकपुरले जनाएको छ ।
प्रहरीको गोली लागेर तीनजना प्रदर्शनकारी घाइते भएका छन् । गोली लागेर बर्दिबास नगरपालिका १ घर भएका बुद्धिराज भनिने संजय न्यौपाने, श्याम कार्की र एकजना घाईत प्रदर्शनकारीको नाम खुल्न सकेको छैन । संजयको तीघ्रमा गम्भीर चोट लागेको छ भने कार्कीको टाउको फुटेको जनाइएको छ ।
संजयलाई उपचारका स्थानीय पिनाकल अस्पतालमा लगिए पनि त्यहाँ उपचार संभव नभएपछि बाहिर लैजाने तयारी भइरहेको जनाइएको छ । मृतक बालिकाको शव बर्दिबास चोकमा राखेर प्रदर्शन गरिएको छ । बिहानैदेखि बन्द भएको राजमार्ग प्रहरीले बल प्रयोग गरेर खुलाएको छ ।
बर्बरता पुर्वक बलात्कारपछि हत्याको आरोपमा आक्रोशित स्थानीयले घरमा आगजनी तथा ढुंगामुढा गरेपछि अवस्था नियन्त्रमा लिन प्रहरीले दर्जनौ सेल अश्रु ग्यास प्रहार गरेको छ । बालिका हत्याको बिरोध गर्दै स्थानीयले महोत्तरीको बर्दिबास नगरपालिकास्थित पूर्वपश्चिम राजमार्ग अवरुद्ध गरे । 
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन