तराई टप
तनहु, १६ पुस । जनताहरुको नेपाली काँग्रेस प्रति बढ्दै गइरहेको जन विश्वासबाट आउदो निर्वाचन पछि मुलुक नेपाली काँग्रेसमय हुने दाबी नेपाली कांग्रेसका केन्द्रीय सदस्य शंकर भण्डारीले गरेको छ ।
तनहुँमा नेपाली काँग्रेस बन्दिपुर गाउँ समिति–५ ले आयोजना गरेको पार्टी प्रवेश कार्यक्रममा पूर्वमन्त्री समेत रहेका भण्डारीले काँग्रेस जनताको आशा र भरोसा योग्य पार्टी भएको उल्लेख गरे ।
देशैभरी काँग्रेस पार्टी प्रति निष्ठावान भई प्रवेश गर्नेको लहर चलेको छ, जनताहरुको आकर्षणले पार्टीलाई थप सुदृढ बनाउनमा मद्दत पुग्छ, भण्डारीले भने, जनताको भरोसा हामी कदापी टुट्न दिँदैनौँ । पूर्वमन्त्री भण्डारीले काँग्रेसलाई सबल र सक्षम बनाउन तल्लो तहदेखि नै कार्यकर्ता लाग्नुपर्नेमा जोड दिए । भण्डारीले निकट भविष्यमा हुने तीनवटै तहको निर्वाचनमा काँग्रेसले जित्ने दाबी गरे ।
मुलुक र मुलुकवासीको भविष्य नेपाली काँग्रेसको हातमा रहेको उल्लेख गर्दै भण्डारीले जनताले तीन तहको निर्वाचनमा काँग्रेसलाई साथ दिने विश्वास व्यक्त गरे । मुलुकमा भएका सबै विकास र परिवर्तनमा कांग्रेसकै नेतृत्वमा भएको उनको भनाइ थियो । भण्डारीले कम्युनिष्टबाट देश सञ्चालन हुन नसक्ने भन्दै कम्युनिष्टलाई जनताले दिएको दुई तिहाईको जनमतलाई कदर नगरी अहंकारबादमा लागेको कारण सत्ताच्यूत हुनुपरेको समेत उल्लेख गरे ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन