धनुषा, १८ पुस । किसानहरुलाई समयमा रासायनिक मल सहित विउविजन उपलब्ध गराउन नसक्ने सरकार विरुद्ध आन्दोलन चर्काएका जनमत पार्टीका कार्यकर्ता र प्रहरी विच धनुषामा हिंसक झड्प भएको छ ।
पूर्व–पश्चिम राजमार्ग बन्द गराउने क्रममा धनुषाको गणेशमान चारनाथ नगरपालिकामा पर्ने पोर्ताहामा प्रहरी र जनमत पार्टीका कार्यकर्ताहरु बीच झडपमा परेर प्रहरी सहित १३ जना प्रदर्शनकारी घाइते भएको हो ।
डा. सीके राउत नेतृत्वको जनमत पार्टीले चलाएको किसान आन्दोलनको क्रममा प्रहरी र प्रदर्शनकारी बीच भएको द्विपक्षीय झडपको क्रममा ६ जना आन्दोलनकारी र ८ प्रहरी जवान घाइते भएको बताइएका छन् ।
झडपमा नथुनी यादव, विजय यादव, रामदयाल मुखिया, बैजनाथ यादव र संजय साह घाइते भएका छन् । नथुनी यादवर बजनाथको टाउको र खुटामा गोली लागेको हुँदा उनीहरुलाई विरेन्द्रबजार स्थित अस्पतालमा उपचार भईरहेको बताइएको छ । जसमध्ये २ को अवस्था चिन्ताजनक रहेको सो पार्टीले जनाएका छन् ।
जिल्ला प्रहरी कार्यालय धनुषाका प्रहरी प्रवक्ता प्रहरी नायव उपरीक्षक जितेन्द्र कुमार बस्नेतले झडपको क्रममा ११ राउण्ड रबरको गोली र १६ राउण्ड अश्रुग्यासँ प्रहार भएको जानकारी दिए । प्रहरी नायव उपरीक्षक बस्नेतले प्रदर्शनको क्रममा प्रहरीको तर्फबाट ८ जना घाइते भएको जानकारी दिए । नेपाल प्रहरीका ७ जना र सशस्त्र प्रहरीका एकजना घाइते भएको स्पष्ट पारे ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन