रौतहट, १० मंसिर । महोत्तरीको बर्दिबासमा बालिका बलात्कर पश्चात हत्याको बिरोध प्रदर्शनमा उत्रिएका प्रदर्शनकारी माथि प्रहरीले गोली चलाउदा गम्भीर घाईते भएका एक जनाको उपचारको क्रममा मंगलवार राति मृत्यु भएको छ ।
बर्दिवास नगरपालिका वडा नम्बर १ बस्ने ४० वर्षीय सञ्जय भन्ने बुद्धिराज न्यौपानेको काठमाण्डौ स्थित ग्राण्डी अस्पतालमा उपचारको क्रममा गए राति मृत्यु भएको महोत्तरीका प्रमुख जिल्ला अधिकारी कृष्णबहादुर कटुवालले जानकारी दिएको हो । न्यौपानेको दुवै तीघ्रामा गोली लागेर गम्भीर घाइते भएपछि स्थानीय सगुन अस्पतालमा उपचार सम्भव नभएपछि हेलिकप्टर मार्फत काठमाडौंको ग्रान्डी अस्पतालमा लगिएको थियो । उनको उपचारको क्रममा राति १ बजेको समयमा मृत्यु भएको छ ।
बर्दिवास नगरपालिका वडा नम्वर १४ का सहिद आलमको ६ वर्षीया छोरी गुलाव साह खातुनलाई स्थानीय २५ बर्षिय अजयकुमार साहले बलात्कार पश्चात घाँटी थिचेर हत्या गरी बोरामा शव राखेर घर नजिकै फालिएको अवस्थामा सोमवार राति फेला परेका थिए । बलात्कार पश्चात हत्याको विरोधमा प्रदर्शनमा उत्रिएका आक्रोशित स्थानीय बासिन्दाहरुद्धारा पूर्वपश्चिम राजमार्ग अन्तर्गत बर्दिवासमा मंगलबार सडक अवरुद्ध पारेका थिए ।
आरोपित साहको घरलाई आक्रोशित स्थानीयद्धारा आगजनी गराएको तथा अबरुद्ध पारिएको राजमार्ग खुलाउन प्रहरीले निकै प्रयास गर्दा पनि प्रदर्शनकारीहरु झन् उग्र भएपछि राजमार्ग खुलाउन प्रहरीले दर्जनौं राउन्ड अश्रुग्यास र गोली चलाएको थियो । गोली लागेर तीनजना घाइते भएका थिए । घाइतेमध्ये न्यौपानेको मृत्यु भएपछि जिल्ला सुरक्षा समिति महोत्तरीको आकस्मिक बैठकबाट बर्दिवास क्षेत्र वरपरको क्षेत्रमा कफर््यु लगाएको प्रजिअ कटुवालले जानकारी दिए ।
प्रहरीको गोलीबाट गम्भीर घाईते भएको न्यौपानेको उपचारको क्रममा मृत्यु भएपछि कुनै अप्रिय घटना हुन नदिन अहिले राजमार्ग क्षेत्रमा ठूलो संख्यामा नेपाल प्रहरी र सशस्त्र प्रहरी परिचालन गरिएको छ ।
बालिकाको बलात्कारपछि हत्या गरिएको भन्दै गाउँ गाउँबाट प्रदर्शन गर्न बर्दिवास तर्फ आउने स्थानीय बासिन्दाहरुलाई राजमार्गमा आउन नदिनका लागि महोत्तरी प्रशासनले बर्दिबास नगरक्षेत्रमा निषेधाज्ञा जारी गरेको छ । जिल्ला प्रशासन कार्यालयले बुधबार बिहान ९ बजेदेखि बिहीबार बिहान ६ बजेसम्मलाई निषेधाज्ञा लगाएको हो । जिल्ला प्रशासन कार्यालय महोत्तरीद्धारा जारी गरिएको विज्ञप्तीमा पूर्वमा बर्दिवास नगरपालिका–१ रातुखोला, पश्चिममा वडा नम्बर ५ माईस्थान, उत्तरमा वडा नं ३ पाटुचोक र दक्षिणमा वडा नं ८ क्वाटर चोकलाई चार किल्ला कायम गरी निषेधाज्ञा लगाइएको प्रशासनले जनाएको छ ।
प्रमुख जिल्ला अधिकारी कृष्णबहादुर कटुवालद्वारा जारी निषेधाज्ञा पत्रमा आदेश पालना नगर्नेलाई कारबाही गरिने उल्लेख छ । निषेधाज्ञा भए पनि पूर्व–पश्चिम राजमार्गमा भने गाडी चल्न दिइने प्रशासनले जनाएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन