रहस्यमय रुपमा कटहरियाबाट तीन बालक बेपत्ता, परिवारजन सहित बजार क्षेत्रमा त्रासको माहौल

0 Shares

कटहरिया (रौतहट), ३० वैशाख । रौतहटको कटहरिया नगरपालिकाको कटहरिया बजार क्षेत्रबाट रहस्यमय रुपमा तीन जना बालक बेपत्ता भएको खवर सार्वजनिक भएपछि परिवारजन सहित बजार क्षेत्रमा त्रास र चिन्ताको माहौल छाएका छन् ।
कटहरिया नपा ५ स्थित त्रिशक्ति इग्लिश बोडिंग स्कुलमा एउटै कक्षामा अध्ययनरत तीनै जना बालक एकैसाथ बेपत्ता भएपछि परिवारजन सहित स्थानीयवासीमा त्रास एवं चिन्ताको माहौल बीच आफन्त तथा प्रहरी खोजी कार्यमा जुटेका हुन् ।
कटहरिया नगरपालिका–५ निवासी सम्सुदिन अन्सारीका १४ वर्षीय छोरा सकील अन्सारी, सुरेन्द्र साह सोनार “किरायसिन” का १४ वर्षीय छोरा कुन्दन साह सोनार तथा भरत दास सरभंगका १२ वर्षीय छोरा पवन कुमार दास सरभंग वैशाख २८ गते अर्थात गत सोमबार देखि सम्पर्क विहीन रहेको पिडित परिवारले जनाएको छ ।
पिडित परिवारका अनुसार तीनैजना विद्यार्थी सोमबार विद्यालयबाट घर फर्किएपछि केही समयपछि “बाहिर खेल्न जान्छौँ” भन्दै घरबाट निस्किएका थिए । त्यसपछि उनीहरू घर नफर्किएपछि परिवारमा चिन्ता र डरत्रास छाएको हो ।
सुरुमा आफन्त, साथीभाइ तथा सम्भावित स्थानहरूमा खोजी गर्दा कुनै जानकारी नपाएपछि अभिभावकहरूले ईलाका प्रहरी कार्यालय कटहरियामा खोजी कार्यका लागि निवेदन दर्ता गराए ।
अभिभावक सकील अन्सारी सँग केही नगद रकम रहेको र उनीहरू भारतको दिल्ली जाने योजना बनाइरहेका थिए भन्ने अपुष्ट सूचना साथीहरूबाट प्राप्त भएको छ । तर यस विषयमा प्रहरीले औपचारिक रुपमा पुष्टि गरिसकेको छैनन ।

ईलाका प्रहरी कार्यालय कटहरियाका सई मोहन आले मगरले तीनै बालकहरूको तस्वीर र हुलिया सहितको विवरण सम्बन्धित सुरक्षा निकायमा पठाइसकिएको जानकारी दिए । उक्त विवरणका आधारमा हरेक युनिटहरुमा परिचालन गरिएको छ भने भारतीय प्रहरीसँग पनि समन्वय गर्ने प्रक्रिया अघि बढाइएको बताए । प्रहरीले घटनाबारे गम्भीर अनुसन्धान भइरहेको जनाउँदै यो अपहरण, घरबाट भागेको वा अन्य कुनै कारण हो भन्नेबारे तत्काल निष्कर्षमा पुग्न नसकिने जनाए ।
घटनाले कटहरिया बजार क्षेत्रलाई स्तब्ध बनाएको छ । स्थानीयवासीले एकैपटक तीन विद्यार्थी हराएको घटना यसअघि कहिल्यै नभएको भन्दै बालबालिकाको सुरक्षाप्रति गम्भीर चासो व्यक्त गरे ।
यदि कसैले यी बालकहरूलाई कतै देखेमा नजिकको प्रहरी कार्यालय, प्रहरी कन्ट्रोल नम्बर १०० वा मोबाइल नम्बर ९८५५०४२०९५ मा तुरुन्त जानकारी दिन प्रहरीले आग्रह गरेको छ ।
यस्तै गत आईतवार गरुडा नगरपालिका ४ रिडर्स स्कुल अगाडीबाट १० बर्षीया बालिका वेपत्ता छिन अहिले सम्म कुनै अत्तोपत्तो नरहेको खवर आएपछि तीन बालक बेपत्ता भएको खवरले जिल्लाभरीको माहौललाई तताएको छ ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।