मधेश सरकारमा ठूलो राजनीतिक फेरबदलः एमाले इन, जनमत आउट

0 Shares

जनकपुरधाम, ८ जेठ । मधेश प्रदेशका मुख्यमन्त्री कृष्णप्रसाद यादवले विश्वासको मत लिनुअघि नै प्रदेशको राजनीतिक समीकरणमा व्यापक फेरबदल गरेका छन् ।
मधेशमा नेपाली कांग्रेस, नेकपा एमाले र नेकपाबीच नयाँ गठबन्धन बनेको चर्चा चलिरहेकै बेला मुख्यमन्त्री यादवले त्यसको प्रभाव प्रदेश सरकारमै देखाएका हुन् ।
मुख्यमन्त्री यादवले शुक्रबार विश्वासको मत लिनुअघि बिहीबार राति नै नेकपा एमालेलाई सरकारमा सहभागी गराउँदै नयाँ समीकरणको औपचारिक सुरुवात गरिसकेको संकेत गरेका छन् ।
एमालेबाट तत्काल मोहम्मद समिरलाई विना विभागीय मन्त्रीको रूपमा शपथ गराइएको छ भने बाँकी तीन मन्त्रीलाई शुक्रबार साँझसम्म शपथ गराउने तयारी गरिएको एमाले संसदीय दलका नेता तथा पूर्वमुख्यमन्त्री सरोजकुमार यादवले जानकारी दिए । एमालेले प्रदेश सरकारमा चार मन्त्रालय पाउने सहमति भएको बताइएको छ ।
नयाँ गठबन्धनसँगै लामो समयदेखि मधेश सरकारमा प्रभावशाली रहँदै आएका मधेश केन्द्रित दल जनमत पार्टी र जसपा नेपालमाथि दबाब बढेको छ । विशेषगरी जनमत पार्टी सरकारबाट बाहिरिने लगभग निश्चित बनेको छ भने जसपा नेपाललाई पनि सरकारमै राख्ने प्रयास भइरहेको स्रोतले जनाए । जनमत पार्टीले सरकारलाई दिएको समर्थन फिर्ता लिएपछि मुख्यमन्त्री यादव संवैधानिक रूपमा विश्वासको मत लिन बाध्य भएका हुन् । समर्थन फिर्तापछि जनमतबाट सरकारमा सहभागी अर्थमन्त्री महेशप्रसाद यादव तथा खेलकुद तथा समाजकल्याण मन्त्री वसन्तकुमार कुशवाहालाई राजीनामा दिन निर्देशन दिइएको थियो । दुवै मन्त्रीले राजीनामा बुझाइसकेको बताइएको छ ।
यता जसपा नेपालले भने संसदीय दलको बैठक मार्फत मुख्यमन्त्री यादव नेतृत्वको सरकारलाई विश्वासको मत दिने निर्णय गर्दै आफ्ना सांसदलाई ह्वीप जारी गरेको छ । मधेश प्रदेशसभामा जसपा नेपालका २६, एमालेका २४, नेपाली कांग्रेसका २२, नेकपाका १४, जनमत पार्टीका १२ तथा राप्रपा र नेपाल संघीय समाजवादी पार्टीका १÷१ सांसद रहेका छन् । कांग्रेस, एमाले, नेकपा र जसपा नेपालको समर्थनसहित मुख्यमन्त्री यादवले करिब ८६ सांसदको विश्वास प्राप्त गर्ने देखिएको छ ।
विश्वासको मतको पूर्वसन्ध्यामा भएको यो राजनीतिक पुनर्संरचनाले मधेश प्रदेशको सत्ता समीकरणमा नयाँ मोड ल्याएको राजनीतिक वृत्तमा चर्चा सुरु भएको छ ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।