वीरगञ्ज, १२ जेठ । भारत सरकारले नेपाललाई सुरक्षा तथा आपूर्ति व्यवस्थापनमा सहयोग पुर्याउने उद्देश्यबाट कैदी राख्ने ट्रक हस्तान्तरण गरेको छ ।
वीरगञ्जमा आयोजित एक औपचारिक कार्यक्रममा भारतीय महावाणिज्यदूत देवी सहाय मीणाले पर्साका प्रमुख जिल्ला अधिकारी भोला दाहाललाई औपचारिक रूपमा कैदी राख्ने ट्रक हस्तान्तरण गरेको हो ।
भारत सरकारले प्रदान गरेको उक्त सहयोग नेपालका सुरक्षा निकाय तथा आपूर्ति व्यवस्थापन क्षमतामा थप सहयोग पुग्ने महावाणिज्यदूत मीणाले विश्वास गरे । हस्तान्तरण कार्यक्रममा प्रमुख जिल्ला अधिकारी दाहालले भारत सरकारप्रति धन्यवाद व्यक्त गर्दै नेपाल–भारतबीचको घनिष्ठ र बहुआयामिक सम्बन्धको प्रशंसा गर्नुका साथै विशेष सहयोगका लागि आभार व्यक्त गरे ।
महावाणिज्यदुतावासले जारी गरेको प्रेस नोटमा, सन् २०२६ मार्च ५ मा सम्पन्न भएको उच्चस्तरीय सहमति अनुसार नेपाल सरकारलाई अनुदान स्वरूप एसयूभी, पिकअप र अन्य ट्रक सहित हालसम्म ६४० भन्दा बढी सवारी साधन उपलब्ध गराइसको उल्लेख छ ।
यसअघि पनि भारत सरकारले नेपाल प्रहरी, सशस्त्र प्रहरी बल र नेपाली सेना लगायत सुरक्षा निकायलाई २ हजार भन्दा बढी सवारी साधन उपहार स्वरूप प्रदान गरिसकेको जनाए ।
भारतीय सहयोग र समर्थनले दुई देशबीचको दीर्घकालीन मित्रता, सुरक्षा सहकार्य र परस्पर विश्वासलाई अझ बलियो बनाएको छ । यस प्रकारको कार्यक्रमले नेपाल–भारतबीचको जनस्तरको सम्बन्ध र सहकार्यलाई थप सुदृढ भएको सन्देश दिएको जारी विज्ञप्तीमा उल्लेख गरिएको छ ।



बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन