रौतहट, १४ जेठ । जिल्ला प्रहरी कार्यालय रौतहटले फरार प्रतिवादी पक्राउ अभियानलाई तीव्र बनाउँदै विभिन्न मुद्दामा अदालतबाट सजाय तथा जरिवाना तोकिएप छि फरार रहेका १६ जनालाई पक्राउ गरेको छ ।
जिल्ला प्रहरी कार्यालय रौतहटले जारी गरेको प्रेस नोटमा, फरार प्रतिबादी पक्राउ गर्ने विशेष अभियान अन्तर्गत चेक अनादर, कुटपिट, लुटपाट तथा बालबालिका बेचबिखन जस्ता मुद्दामा फरार रहेका प्रतिवादीहरूलाई पक्राउ गरेर रौतहट जिल्ला अदालत गौरमा बुझाएको जनाएको हो ।
जिल्ला प्रहरी कार्यालय रौतहटका सूचना अधिकारी एवं डिएसपी बसन्त गौतमका अनुसार, पक्राउ परेका मध्ये एक जना बालबालिका बेचबिखन मुद्दाका प्रतिवादी रहेका छन् भने अधिकांश चेक अनादर मुद्दाका फरार अभियुक्त छ । पक्राउ परेका मध्ये केहीलाई कैद सजाय तथा अधिकांशलाई जरिवाना फैसला भएको थियो ।
विशेष अभियान अन्तर्गत पक्राउ परेका व्यक्तिहरू माथि अदालतको फैसला कार्यान्वयन प्रक्रिया अघि बढाइएको उनले बताए । पक्राउ परेका मध्ये कुटपिट तथा लुटपाट मुद्दाका प्रतिवादी समेत छ ।
पक्राउ परेका १६ जनाबाट ११ हजार ६ सय रुपैयाँ जरिवाना असुल उपर गराइएको तथा अन्य फरार प्रतिवादी खोजी अभियानलाई तिव्र बनाइएको डिएसपी गौतमले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन