अहमदावाद (भारत), १८ जेठ । लगातार दोस्रो पटक आईपीएल उपाधि जितेपछि रोयल च्यालेन्जर्स बेंगलुरुका स्टार ब्याट्सम्यान विराट कोहलीले वर्तमान टोलीलाई आफ्नो करियरकै सबैभन्दा सन्तुलित र बलियो टिमको संज्ञा दिएका छन् ।
गुजरात टाइटन्स विरुद्धको फाइनलमा अविजित ७५ रनको उत्कृष्ट इनिङ्स खेल्दै टोलीलाई ५ विकेटको जित दिलाएका कोहलीले अब हरेक खेलमा आफू एक्लैले जिम्मेवारी बोक्नुपर्ने अवस्था नरहेको बताएका हुन् ।
फाइनलपछि बोल्दै उनले भने, “धेरै वर्षसम्म प्रतीक्षा गर्नुपर्याे, तर अहिले यस्तो टोली बनेको छ जहाँ हरेक पटक म नै अगाडि बढ्नुपर्छ भन्ने छैन । टोलीमा यस्ता खेलाडी छन्, जसले कुनै पनि बेला खेल जिताउन सक्छन् ।”
कोहलीले यस सिजन आरसीबीको सफलताको मुख्य आधार बलिङ आक्रमणलाई माने । उनले जस हेजलउड, भुवनेश्वर कुमार, जैकव डफी तथा कुणाल पाण्डयालाई प्रशंसा गर्दै उनीहरू विश्वस्तरीय प्रदर्शनकर्ता भएको बताए ।
उनले भने, “हामीसँग सन्तुलन छ, बल छ र सबै विभागमा योगदान दिने खेलाडी छन् । यही कारण मैदानमा हाम्रो आत्मविश्वास फरक स्तरको छ ।”
गत वर्षको तुलनामा यस वर्षको फाइनलमा दबाब कम महसुस भएको बताउँदै कोहलीले टोलीको सामूहिक क्षमतामाथि पूर्ण विश्वास रहेको बताए । उनका अनुसार लिग चरणमा शीर्ष स्थान हासिल गर्नु संयोग नभई निरन्तर उत्कृष्ट प्रदर्शनको परिणाम थियो ।
कोहलीले आरसीबीले प्रतियोगिता भरी ‘क्लिनिकल क्रिकेट’ खेलेको उल्लेख गर्दै टोलीको परिपक्वता, संयम र योजनाको सफल कार्यान्वयन नै उपाधि यात्राको आधार बनेको बताए । सिजनको बीचमा आएको छोटो विश्रामपछि टोली केही दबाबमा परेको स्वीकार गर्दै उनले ःमुम्बई इन्डीयन्स विरुद्धको महत्वपूर्ण जितले टोलीमा पुनः आत्मविश्वास फर्काएको बताए ।
त्यसपछि कोलकत्ता नाइट राइडर्स विरुद्धको फराकिलो जितसँगै टोलीले शीर्ष स्थान सुरक्षित गर्दै फाइनल सम्मको यात्रा तय गरेको उनको भनाइ थियो ।
१८ वर्षको आईपीएल इतिहासमा पहिलो उपाधि जितेको एक वर्षपछि आरसीबीले लगातार दोस्रो पटक ट्रफी उचाल्दै आफूलाई प्रतियोगिताको नयाँ शक्तिका रूपमा स्थापित गरेको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन