रौतहट, २२ जेठ । गौर आँखा अस्पताल द्वारा सञ्चालित बृहत् अभियान अन्तर्गत गौरस्थित गौर आदर्श विद्यालयमा उमेरका बालबालिकाहरूको आँखा परीक्षण तथा जनचेतनामूलक कार्यक्रम सम्पन्न भएको छ।
कार्यक्रममा १९८ जना विद्यार्थीको सहभागिता रहेको थियो। परीक्षणका क्रममा १३ जना विद्यार्थीमा दृष्टिदोष तथा थप उपचार आवश्यक रहेको पहिचान गरिएको अस्पतालले जनाए। ती विद्यार्थीहरूलाई भोलि गौर आँखा अस्पतालमा थप जाँच, औषधि, चस्मा तथा आवश्यक अन्य सेवाहरू सेवा फाउन्डेसन को सहयोगमा निःशुल्क उपलब्ध गराइनेछ।
अस्पतालका संयोजक सत्येन्द्र पाण्डेयका अनुसार सामुदायिक विद्यालयका करिब ३ देखि ५ प्रतिशत तथा निजी विद्यालयका ७ देखि १४ प्रतिशत विद्यार्थीमा दृष्टिदोष देखिने गरेको तथ्यांक छ।
उनले विद्यार्थीहरूलाई हरियो सागसब्जी तथा फलफूल बढी सेवन गर्न, नियमित आँखा परीक्षण गराउन र मोबाइलको अत्यधिक प्रयोगबाट बच्न सुझाव दिएका छन्।
कार्यक्रममा अस्पतालबाट खटिएको टोलीका अमित दास, सत्येन्द्र पाण्डेय तथा शिवशंकर राउत लगायतले सेवा प्रदान गरेका थिए।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन